കണ്ണൂർ: ജില്ലയിലെ പാട്യം മൂഴിവയലിൽ ആക്രി സാധനങ്ങൾ തരം തിരിക്കുന്നതിനിടെ സ്‌ഫോടനം. അസം സ്വദേശിക്കും രണ്ടു കുട്ടികൾക്കുമാണ് പരിക്കേറ്റത്. അപകടത്തിൽ അസം സ്വദേശി സയിദ് അലിയുടെ കൈയ്‌ക്ക് ഗുരുതരമായി പരിക്കേറ്റിട്ടുണ്ട്. ഇയാളെ കൂത്തുപറമ്പിലെ സ്വകാര്യ ആശുപത്രിയിൽ പ്രവേശിപ്പിച്ചു. കുട്ടികളുടെ പരിക്ക് സാരമുള്ളതല്ലെന്നാണ് വിവരം.
കതിരൂർ പോലീസ് സ്‌ഥലത്ത് എത്തിയിട്ടുണ്ട്. വെള്ളക്കുപ്പി തുറക്കുന്നതിനിടെയാണ് പൊട്ടിത്തെറി ഉണ്ടായത്. ഇതര സംസ്‌ഥാന തൊഴിലാളികളായ എട്ടംഗ സംഘം ഇവിടെ ഒരു വീട് വാടകയ്‌ക്ക് എടുത്താണ് താമസിക്കുന്നത്. ഇവർ ശേഖരിച്ച ആക്രി സാധനങ്ങൾ തരംതിരിക്കുന്നതിനിടെയാണ് ഉഗ്ര ശബ്‌ദത്തോടെ സ്‌ഫോടനം നടന്നത്.
Most Read| അഹമ്മദ് ദേവർകോവിലും ആന്റണി രാജുവും മന്ത്രിസ്‌ഥാനം രാജിവെച്ചു
