കൊച്ചി: കേരള ബ്‌ളാസ്‌റ്റേഴ്‌സും എഫ്‌സി ഗോവയും തമ്മിലുള്ള പ്രീസീസൺ മൽസരം ഉപേക്ഷിച്ചു. മോശം കാലാവസ്‌ഥയെ തുടർന്നാണ് മൽസരം ഉപേക്ഷിച്ചത്. ബ്‌ളാസ്‌റ്റേഴ്‌സ്‌ ഫൈനൽ ഇലവനെ വരെ പ്രഖ്യാപിച്ചതിന് ശേഷമായിരുന്നു നീക്കം.
വൈകിട്ട് അഞ്ചരക്കാണ് മൽസരം തീരുമാനിച്ചിരുന്നത്. എന്നാൽ, പ്രദേശത്ത് കനത്ത മഴ പെയ്‌തതോടെ മൽസരം ഉപേക്ഷിക്കാൻ തീരുമാനിക്കുകയായിരുന്നു. ഈ മൽസരം മറ്റൊരു ദിവസം നടത്തുമോ എന്ന കാര്യത്തിൽ വ്യക്‌തതയില്ല.
ഐഎസ്‌എൽ സീസണ്‌ മുൻപ് ഇനി മൂന്ന് പ്രീസീസൺ മൽസരം കൂടി ബ്‌ളാസ്‌റ്റേഴ്‌സ്‌ കളിക്കും. നവംബർ അഞ്ചിന് ചെന്നൈയിൻ എഫ്‌സിയും നവംബർ 9, 12 തീയതികളിൽ ജംഷഡ്‌പുർ എഫ്‌സിയുമാണ് ബ്‌ളാസ്‌റ്റേഴ്‌സിന്റെ എതിരാളികൾ.
Also Read: ദസറ ആഘോഷങ്ങൾക്കിടെ ജനക്കൂട്ടത്തിലേക്ക് കാർ പാഞ്ഞുകയറി; നാല് മരണം
