ബ്രസീലിയ: ചൈനീസ് നിർമിത കോവിഡ് വാക്‌സിന്റെ മൂന്നാം ഘട്ട പരീക്ഷണം ബ്രസീലിൽ നിർത്തിവെച്ചു. ഗുരുതര തിരിച്ചടി ഉണ്ടായതിന് പിന്നാലെയാണ് പരീക്ഷണം നിർത്തിവെച്ചതെന്ന് ബ്രസീലിന്റെ ആരോഗ്യ നിരീക്ഷണ ഏജൻസി ‘അൻവിസ’ അറിയിച്ചു.
ഒക്‌ടോബർ 29നാണ് സംഭവം നടന്നതെന്ന് അൻവിസ വ്യക്‌തമാക്കിയെങ്കിലും എന്താണ് സംഭവിച്ചതെന്ന് ഏജൻസി ഇതുവരെയും വെളിപ്പെടുത്തിയിട്ടില്ല. ചൈനീസ് മരുന്ന് നിർമാതാക്കളായ സിനോവാക് ബയോടെക് നിർമിച്ച കൊറോണവാക് വാക്‌സിന്റെ പരീക്ഷണമാണ് ബ്രസീലിൽ നിർത്തിവെച്ചത്. ആഗോളതലത്തിൽ അവസാനഘട്ട പരീക്ഷണങ്ങൾ നടന്നുകൊണ്ടിരിക്കുന്ന വാക്‌സിനാണ് കൊറോണവാക്.
കോവിഡ് വ്യാപനം അതിരൂക്ഷമായ രാജ്യങ്ങളിലൊന്നാണ് ബ്രസീൽ. 56 ലക്ഷത്തിലധികം പേർക്കാണ് രാജ്യത്ത് ഇതിനോടകം രോഗം സ്‌ഥിരീകരിച്ചിട്ടുള്ളത്. ആകെ കോവിഡ് രോഗ ബാധിതരുടെ എണ്ണമെടുത്താൽ യുഎസിനും ഇന്ത്യക്കും പുറകെ മൂന്നാം സ്‌ഥാനത്താണ് ബ്രസീൽ.
Read also: പര്യവേഷണം അവസാനിച്ചു; ടിപ്പു കോട്ടയിലേക്ക് സന്ദർശകരുടെ ഒഴുക്ക്
