ദുബായ്: മഹാത്മാ ഗാന്ധിക്ക് ആദരമര്‍പ്പിച്ച് ബുര്‍ജ് ഖലീഫ. ഇന്ത്യയുടെ രാഷ്ട്രപിതാവിന്റെ 151-ാം ജന്മവാര്‍ഷിക ദിനത്തില്‍ പ്രത്യേക ദീപാലങ്കാരവുമായാണ് ബുര്‍ജ് ഖലീഫ ഗാന്ധിജിക്ക് ആദരം അര്‍പ്പിച്ചത്.
അബുദാബിയിലെ ഇന്ത്യന്‍ എംബസിയും ദുബായിലെ ഇന്ത്യന്‍ കോണ്‍സുലേറ്റും സംയുക്തമായാണ് അംബര ചുംബിയായ ബുര്‍ജ് ഖലീഫയില്‍ പ്രത്യേക പ്രദര്‍ശനം ഒരുക്കിയത്. ഗാന്ധിജിയുടെ ചിത്രങ്ങളും സന്ദേശങ്ങളും പ്രദര്‍ശിപ്പിച്ചു.
‘ലോകത്തിന് എന്ത് മാറ്റം വരുത്താന്‍ നിങ്ങള്‍ ആഗ്രഹിക്കുന്നുവോ ആ മാറ്റമാവുക’ എന്ന ഗാന്ധിജിയുടെ വാക്കുകള്‍ ഉദ്ധരിച്ച് എല്‍ഇഡി ഷോയുടെ വീഡിയോ ബുര്‍ജ് ഖലീഫ ഔദ്യോഗിക ട്വിറ്റര്‍ അക്കൗണ്ടിലൂടെ പങ്കുവെച്ചിട്ടുണ്ട്.
“Be the change that you wish to see in the world”- Immortal words spoken by #MahatmaGandhi, the father of the entire nation of India. #BurjKhalifa lights up with an LED show to honour his journey and to celebrate his 151st birthday. pic.twitter.com/AAgcDztrb8
— Burj Khalifa (@BurjKhalifa) October 2, 2020
മഹാത്മാ ഗാന്ധിയുടെ ജീവിത യാത്രക്ക് ആദരവായും അദ്ദേഹത്തിന്റെ 151-ാം ജന്മദിനം ആഘോഷിക്കുന്നതിനായും പ്രത്യേക എല്‍ഇഡി ഷോ സമര്‍പ്പിക്കുകയാണെന്നും ട്വീറ്റ് ചെയ്‌തു. ദുബൈയിലെ ഇന്ത്യന്‍ കോണ്‍സുലേറ്റും സോഷ്യല്‍ മീഡിയയിലൂടെ ഷോ തത്സമയം പ്രദര്‍ശിപ്പിച്ചിരുന്നു.
Read Also: ‘അപ്പൊ അടുത്ത വര്‍ഷം ജോജിയുമായി വരാം’
