മുംബൈ: സഞ്ജയ് ദത്ത് അഭിനയ രംഗത്തേക്ക് തിരിച്ചെത്തി. കാന്സര് മൂലം ചികില്സയിലായിരുന്ന നടന് കെജിഎഫ് 2 ലൊക്കേഷനിലേക്കാണ് തിരിച്ചെത്തിയത്. തന്റെ തിരിച്ചു വരവ് താരം തന്നെ ആരാധകരെ അറിയിച്ചു.
കഴിഞ്ഞ ഓഗസ്റ്റിലാണ് തനിക്ക് കാന്സര് ബാധിച്ചുവെന്നും സിനിമയില് നിന്നും താല്ക്കാലിക ഇടവേള എടുക്കുന്നുവെന്നും സഞ്ജയ് ദത്ത് വെളിപ്പെടുത്തിയത്. വിദേശത്തും മുംബൈയിലും ആയിരുന്നു ചികില്സ.
താരത്തിന്റെ തിരിച്ചു വരവില് ആഹ്ളാദത്തിലാണ് ആരാധകര്. ഈ പ്രായത്തിലും സിനിമയോടും ജീവിതത്തോടുമുള്ള അദ്ദേഹത്തിന്റെ ആവേശം മറ്റുള്ളവര്ക്കും പ്രചോദനമാണെന്ന് സിനിമാപ്രേമികളും പറയുന്നു. അതേസമയം കെജിഎഫ് 2വിന്റെ അവസാനഘട്ട ചിത്രീകരണത്തിലാണ് അണിയറ പ്രവര്ത്തകര്.
Read also: ‘വേലുക്കാക്ക’ ചിത്രീകരണം ആരംഭിച്ചു; വ്യത്യസ്ത ലുക്കില് ഇന്ദ്രന്സ്