കാഞ്ഞാണി: വാടകവീട് കേന്ദ്രീകരിച്ച് കഞ്ചാവ് വിൽപ്പനയും ഉപയോഗവും നടത്തിവന്നിരുന്ന യുവാവ് പിടിയിലായി. കണ്ടശ്ശാംകടവ് മാമ്പുള്ളി മുളവുങ്ങാട്ടിൽ അതുലിനെയാണ് (20) അന്തിക്കാട് എക്സൈസ് അറസ്റ്റ് ചെയ്തത്. എക്സൈസ് ഇൻസ്പെക്ടർ എസ് ഷാജിയുടെ നേതൃത്വത്തിലുള്ള സംഘമാണ് ഇയാളെ പിടികൂടിയത്.
മാമ്പുള്ളി എടത്തറ ക്ഷേത്രത്തിന് സമീപമുള്ള വാടകവീട് കേന്ദ്രീകരിച്ചാണ് ഇയാൾ കഞ്ചാവ് വിൽപ്പന നടത്തിവന്നിരുന്നത്. രഹസ്യവിവരം ലഭിച്ചതിനെ തുടർന്ന് വീട് വളഞ്ഞ ഉദ്യോഗസ്ഥർ യുവാവിനെ പിടികൂടുകയായിരുന്നു. ഇയാളിൽ നിന്നും രണ്ടു പാക്കറ്റ് കഞ്ചാവും കഞ്ചാവ് വലിക്കാൻ ഉപയോഗിക്കുന്ന ഉപകരണങ്ങളും കടലാസും എക്സൈസ് പിടിച്ചെടുത്തു. സിവിൽ എക്സൈസ് ഉദ്യോഗസ്ഥരായ കെവി രാജേഷ്, സന്തോഷ് ബാബു, കെആർ ഹരിദാസ്, റിജോ, ജനീഷ്, പ്രിൻസ് തുടങ്ങിയവരും എക്സൈസ് സംഘത്തിൽ ഉണ്ടായിരുന്നു.
Read also: പാണത്തൂരില് വിവാഹബസ് മറിഞ്ഞ് നിരവധി പേര്ക്ക് പരുക്ക്