കുവൈറ്റ് സിറ്റി: കുവൈറ്റിൽ കാറും വാനും കൂട്ടിയിടിച്ച് ഉണ്ടായ അപകടത്തിൽ കുട്ടികൾ ഉൾപ്പടെ മൂന്ന് പേർ മരിച്ചു. ഒരാളെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. തിങ്കളാഴ്‌ച കിങ് ഫഹദ് റോഡിലായിരുന്നു സംഭവം.
കുവൈറ്റ് സിറ്റിയിലേക്കുള്ള ദിശയിൽ സബാഹിയയിൽ വെച്ചാണ് കാറും വാനും കൂട്ടിയിടിച്ചത്. ഒരു കുവൈറ്റ് സ്വദേശിയും ഇദ്ദേഹത്തിന്റെ രണ്ട് മക്കളുമാണ് മരിച്ചതെന്നാണ് വിവരം. അപകടത്തിൽ ഗുരുതരമായി പരിക്കേറ്റ ഒരാളെ ആശുപത്രിയിൽ പ്രവേശിപ്പിച്ചു. ഇയാൾ തീവ്ര പരിചരണ വിഭാഗത്തിൽ ചികിൽസയിലാണ്. അപകടം സംബന്ധിച്ച വിവരം ലഭിച്ചയുടൻ തന്നെ അഹ്‌മദിയിൽ നിന്നുള്ള അഗ്‌നിശമന സേനാ അംഗങ്ങളും പോലീസ് പാരാമെഡിക്കൽ സംഘങ്ങളും സ്‌ഥലത്തെത്തിയിരുന്നു.
Also Read: ഡെൽഹിയിൽ പ്രതിഷേധം; ബിജെപി നേതാവ് മനോജ് തിവാരിക്ക് പരിക്ക്
