തിരുവനന്തപുരം: നിരോധനാജ്ഞ ലംഘിച്ച് തിരുവനന്തപുരം മെഡിക്കല് കോളജില് സമരം നടത്തിയ ഡോക്ടര്മാര്ക്കെതിരെ കേസെടുത്തു. മെഡിക്കല് കോളേജിലെ അന്പതോളം ഡോക്ടര്മാര്ക്കെതിരെയാണ് പൊലീസ് കേസെടുത്തത്. ഇവര്ക്കെതിരെ പകര്ച്ചവ്യാധി നിയന്ത്രണ നിയമപ്രകാരവും കേസെടുത്തിട്ടുണ്ട്.
തിരുവനന്തപുരം മെഡിക്കല് കോളജില് കോവിഡ് രോഗി പുഴുവരിച്ച സംഭവത്തില് കോവിഡ് നോഡല് ഓഫീസറെയും രണ്ട് ഹെഡ് നേഴ്സുമാരെയും സസ്പെൻഡ് ചെയ്തിരുന്നു. സസ്പെൻഡ് ചെയ്ത ജീവനക്കാരെ തിരിച്ചെടുക്കണം എന്നാവശ്യപ്പെട്ടാണ് ഡോക്ടര്മാര് സമരം നടത്തിയത്.
ഡോക്ടര്മാരുടെ സംഘടന ഇന്ന് മുതലാണ് റിലെ നിരാഹാര സമരം ആരംഭിച്ചത്. അതേസമയം നഴ്സുമാരുടെ സംഘടന ഇന്ന് കരിദിനം ആചരിക്കുന്നുണ്ട്. സസ്പെന്ഷന് പിന്വലിക്കണം എന്നാവശ്യപ്പെട്ട് ആരോഗ്യ മന്ത്രിയുമായി ഇന്നലെ രാത്രി നടത്തിയ ചര്ച്ച പരാജയപ്പെട്ടതോടെയാണ് ഇവര് സമരം തുടരാന് തീരുമാനിച്ചത്.
Read Also: അടല് തുരങ്കം പ്രധാനമന്ത്രി ഉല്ഘാടനം ചെയ്തു