കണ്ണൂര്‍: തദ്ദേശ തിരഞ്ഞെടുപ്പില്‍ മല്‍സരിക്കുന്ന യുഡിഎഫ് സ്‌ഥാനാര്‍ഥിയെ ഭീഷണിപ്പെടുത്തിയ സിപിഎം ബ്രാഞ്ച് സെക്രട്ടറിക്കെതിരെ പൊലീസ് കേസെടുത്തു. പിണറായി പഞ്ചായത്തില്‍ മല്‍സരിക്കുന്ന യുഡിഎഫ് സ്‌ഥാനാര്‍ഥിയെയാണ് ഭീഷണിപ്പെടുത്തിയത്.
പൊട്ടന്‍പാറ ബ്രാഞ്ച് സെക്രട്ടറി ദിലീശനെതിരെയാണ് പിണറായി പൊലീസ് കേസെടുത്തിരിക്കുന്നത്. പിണറായി പഞ്ചായത്തിലെ പത്താം വാര്‍ഡിലെ യുഡിഎഫ് സ്‌ഥാനാര്‍ഥി മിജു സജീവനെ ഭീഷണിപ്പെടുത്തിയെന്നും പ്രചാരണ ബോര്‍ഡ് എടുത്തുമാറ്റിയെന്നുമാണ് പരാതി.
മിജു സജീവനോട് പ്രചാരണ ബോര്‍ഡ് അഴിച്ചുമാറ്റാന്‍ ബ്രാഞ്ച് സെക്രട്ടറി ആവശ്യപ്പെടുന്ന ശബ്‌ദ രേഖയും പുറത്തു വന്നിരുന്നു. എല്‍ഡിഎഫ് അല്ലാതെ മറ്റാരും പ്രചാരണ ബോര്‍ഡ് വച്ചിട്ടില്ലെന്നും അഴിച്ചുവച്ചില്ലെങ്കില്‍ നല്ല രീതിയില്‍ മുന്നോട്ട് പോകില്ലെന്നുമാണ് സിപിഎം നേതാവ് ശബ്‌ദ രേഖയില്‍ പറയുന്നത്.
Malabar News: കരിപ്പൂര്‍ വിമാനത്താവളം; 22 ലക്ഷത്തിന്റെ സ്വര്‍ണ്ണം പിടികൂടി
