ന്യൂഡെൽഹി: 35 യൂട്യൂബ് ചാനലുകൾക്കെതിരെ കേന്ദ്രസർക്കാർ രംഗത്ത്. രാജ്യ വിരുദ്ധത പ്രചരിപ്പിക്കുന്നുവെന്ന ആരോപണവുമായാണ് 35 യൂട്യൂബ് ചാനലുകൾക്കെതിരെ കേന്ദ്രസർക്കാർ രംഗത്ത് വന്നിരിക്കുന്നത്. ഈ ചാനലുകൾ ഇന്ത്യക്കെതിരെ ആസൂത്രിതമായി വ്യാജവാർത്തകൾ പ്രചരിപ്പിക്കുന്നുവെന്നും, അതിനാൽ തന്നെ ഇവ പൂട്ടണമെന്നുമാണ് കേന്ദ്രം ആവശ്യം ഉന്നയിക്കുന്നത്.
പാകിസ്‌ഥാൻ ആസ്‌ഥാനമായുള്ള യുട്യൂബ് ചാനലുകൾക്കും, രണ്ട് വാർത്താ പോർട്ടലുകൾക്കും എതിരെയാണ് വ്യാജ വാർത്തകൾ പ്രചരിപ്പിക്കുന്നുവെന്ന കാരണം ചൂണ്ടിക്കാട്ടി കേന്ദ്ര വാര്‍ത്താ-വിതരണ പ്രക്ഷേപണ മന്ത്രാലയം നടപടി ആവശ്യപ്പെട്ടിരിക്കുന്നത്. ഒപ്പം തന്നെ കൂടുതൽ ചാനലുകൾക്കെതിരെ നടപടി ഉണ്ടാകുമെന്നും, ഇത്തരം ചാനലുകൾ ശ്രദ്ധയിൽ പെട്ടാൽ അറിയിക്കണമെന്നും കേന്ദ്രം നിർദ്ദേശം നൽകിയിട്ടുണ്ട്.
ഖബര്‍ വിത്ത് ഫാക്‌ട്സ്‌, ഖബര്‍ തായ്സ്, ഇന്‍ഫര്‍മേഷന്‍ ഹബ്, ഫ്ളാഷ് നൗ, മേര പാകിസ്‌ഥാൻ വിത്ത്, ഹഖീഖത്ത് കി ദുനിയ, അപ്‌നി ദുനിയ ടിവി തുടങ്ങിയ യുട്യൂബ് ചാനലുകൾക്ക് എതിരെയാണ് ഇപ്പോൾ കേന്ദ്രം നടപടി ആവശ്യപ്പെട്ടിട്ടുള്ളത്. ഈ ചാനലുകള്‍ക്ക് 12 മില്യന്‍ സബ്സ്‌ക്രൈബര്‍മാരും നൂറു കോടിയിലേറെ കാഴ്‌ചക്കാരും ഉണ്ടെന്ന് അധികൃതര്‍ വ്യക്‌തമാക്കി. കൂടാതെ നേരത്തെയും കേന്ദ്ര സർക്കാരിന്റെ സമാന ആവശ്യത്തെ തുടർന്ന് പാകിസ്‌ഥാൻ ആസ്‌ഥാനമായി പ്രവർത്തിച്ചിരുന്ന 20 യുട്യൂബ് ചാനലുകളും വെബ്‌സൈറ്റുകളും ബ്ളോക്ക് ചെയ്‌തിരുന്നു.
Read also: നാളെ മുതൽ ഉച്ചക്ക് ശേഷം ഒപിയില്ല; തിരുവനന്തപുരം സർക്കാർ ആശുപത്രികളിൽ നിയന്ത്രണം
