ഡെൽഹി: പെട്രോളിയം ഉൽപന്നങ്ങളെ ഭാഗികമായി ജിഎസ്‌ടിയിൽ കൊണ്ടുവരാൻ നീക്കം. ജിഎസ്‌ടി കൗൺസിലിൽ കേന്ദ്രസർക്കാർ നിർദ്ദേശം മുന്നോട്ടു വെയ്‌ക്കും. സംസ്‌ഥാനങ്ങളുടെ എതിർപ്പ് അവഗണിച്ചാണ് കേന്ദ്രത്തിന്റെ നീക്കം.
കേരളമടക്കമുള്ള സംസ്‌ഥാനങ്ങൾ ആണ് പെട്രോളിയം ഉൽപ്പന്നങ്ങളെ ജിഎസ്‌ടി പരിധിയിൽ കൊണ്ടുവരുന്നത് എതിർക്കുന്നത്. നഷ്‌ടം കേന്ദ്ര സർക്കാർ വഹിച്ചാൽ പെട്രോളിയം ഉൽപന്നങ്ങളെ ഭാഗികമായി ജിഎസ്‌ടിയിൽ കൊണ്ടുവരുന്നതിൽ തടസമില്ലെന്ന് സംസ്‌ഥാനങ്ങൾ അറിയിച്ചിരുന്നു. എന്നാൽ ഈ നിർദ്ദേശം കേന്ദ്രം അംഗീകരിച്ചില്ല.
ബിജെപി ഭരിക്കുന്ന സംസ്‌ഥാനങ്ങളോട് നീക്കത്തെ അനുകൂലിക്കാൻ കേന്ദ്ര സർക്കാർ നിർദ്ദേശിക്കും. മറ്റ് സംസ്‌ഥാനങ്ങൾ നീക്കത്തെ എതിർക്കും.
Also Read: പന്തീരാങ്കാവ് യുഎപിഎ കേസ്; മൂന്നാം പ്രതി ഉസ്‌മാൻ പിടിയിൽ
