ന്യൂ ഡെല്ഹി: കനത്ത പ്രതിഷേധങ്ങള്ക്കിടയിലും കാര്ഷിക ബില്ല് അവതരണവുമായി മുന്നോട്ട് പോകുവാന് കേന്ദ്രം. മുഴുവന് അംഗങ്ങളോടും നാളെ രാജ്യസഭയില് ഹാജരാകണമെന്ന് ബിജെപി വിപ്പ് നല്കിയിട്ടുണ്ട്. അതിനിടയില് കാര്ഷിക ബില്ലില് പ്രതിഷേധം അറിയിച്ച് വിട്ട് നില്ക്കുന്ന ഘടക കക്ഷികളെ, ചേര്ത്ത് നിര്ത്താനുള്ള ശക്തമായ ശ്രമങ്ങളും നടക്കുന്നുണ്ട്. അനുനയ ചര്ച്ചകള്ക്കായി ബിജെപി, അകാലിദള്ളിനെ സമീപിച്ചിട്ടുണ്ടെന്നാണ് റിപ്പോര്ട്ടുകള്. ഘടകകക്ഷികളുടെയും കര്ഷകരുടെയും എതിര്പ്പ് അവഗണിച്ച് കഴിഞ്ഞ ദിവസം ബില്ല് ലോക്സഭയില് പാസാക്കിയിരുന്നു. കനത്ത പ്രതിഷേധം മൂലം ബില്ലിന്റെ അവതരണം മാറ്റിവെച്ചിട്ടുണ്ട്.
Related news: കാര്ഷിക ബില്; തെറ്റായ വിവരങ്ങള് പ്രചരിക്കുന്നു; പ്രതികരണവുമായി പ്രധാനമന്ത്രി
അതേസമയം പഞ്ചാബിലും ഹരിയാനയിലും കാര്ഷിക ബില്ലിനെതിരെയുള്ള പ്രതിഷേധ സമരങ്ങള് ശക്തമായി. പുതിയ ബില്ലുകള് കാര്ഷിക മേഖലയെ തകര്ക്കുമെന്ന് ചൂണ്ടിക്കാട്ടിയാണ് പ്രതിഷേധങ്ങള്. ബില്ലുകള് പിന്വലിക്കാതെ സമരത്തില് നിന്ന് പിന്മാറില്ലെന്ന് പ്രതിഷേധക്കാര് അറിയിച്ചു.