തിരുവനന്തപുരം: കേരളത്തില് വരും ദിവസങ്ങളില് ഒറ്റപ്പെട്ട കനത്ത മഴയ്ക്ക് സാധ്യതയെന്ന് മുന്നറിയിപ്പ്. തെക്കന് കേരളത്തിലാണ് മഴ മുന്നറിയിപ്പ് നിലവിലുള്ളത്. മഴയുടെ സാധ്യത കണക്കിലെടുത്ത് നാല് ജില്ലകളില് ഇന്ന് യെല്ലോ അലര്ട് നല്കിയിട്ടുണ്ട്. പത്തനംതിട്ട, ആലപ്പുഴ, ഇടുക്കി, കോട്ടയം ജില്ലകളിലാണ് യെല്ലോ അലര്ട് നല്കിയിട്ടുള്ളത്. ഒറ്റപ്പെട്ട ഇടങ്ങളില് ശക്തമായ മഴക്കാണ് ഈ ജില്ലകളില് സാധ്യതയുള്ളത്.
ഈ ജില്ലകളിലെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴക്കും, മണിക്കൂറില് 40 കിലോമീറ്റര് വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. ഞായറാഴ്ച കൊല്ലം മുതല് എറണാകുളം വരെ ആറ് ജില്ലകളിലും, തിങ്കളാഴ്ചയും, ചൊവ്വാഴ്ചയും തിരുവനന്തപുരം മുതല് തൃശൂര് വരെയുള്ള ജില്ലകളിലും യെല്ലോ അലര്ട് നിലവിലുണ്ട്.
Read Also: വിയ്യൂർ ജയിൽ സൂപ്രണ്ടിനെതിരെ നടപടിക്ക് ജയിൽ വകുപ്പ് മേധാവിയുടെ ശുപാർശ