കൽപറ്റ: വയനാടിന്റെ നെല്ലറ എന്നറിയപ്പെടുന്ന മനോഹരമായ കാർഷിക ഗ്രാമമാണ് ചേകോടി. ഗോത്ര വർഗങ്ങൾ തിങ്ങിപ്പാർക്കുന്ന ഇവിടെ ചിങ്ങം ഒന്നിന് ഏറെ പ്രതീക്ഷകളോടെ കൃഷിയിറക്കിയിരിക്കുകയാണ് കർഷകർ. നൂറുകണക്കിന് ഏക്കർ പാടശേഖരങ്ങളിലാണ് ചേകോടിക്കാർ ഇത്തവണയും കൃഷിയിറക്കുന്നത്.
കാലം തെറ്റിയ കാലാവസ്ഥയെ അതിജീവിച്ചാണ് ചേകോടിയിൽ വിത്ത് വിതച്ചിരിക്കുന്നത്. ഗോത്ര വിഭാഗങ്ങളും ചെട്ടി സമുദായ അംഗങ്ങളുമാണ് ഇവിടുത്തെ കർഷകരിൽ കൂടുതൽ പേരും. സുഗന്ധ നെല്ലിനങ്ങളാണ് ചേകോടിയിൽ കൃഷിയിനങ്ങളിൽ കൂടുതലും. വനമേഖലയിൽ കബനി നടിയുടെ തീരത്തോട് ചേർന്നാണ് ഈ കാർഷിക ഗ്രാമം സ്ഥിതി ചെയ്യുന്നത്. ഇവിടെ 250ഓളം ഏക്കർ വരുന്ന നെൽപ്പാടത്ത് ഇത്തവണ കൃഷിയിറക്കി കഴിഞ്ഞു. നിലമൊരുക്കി വരമ്പുവെക്കലാണ് ആദ്യഘട്ടം. പിന്നീട് ഞാറുപറിക്കും. പറിച്ചുകെട്ടിയ ഞാറുകൾ വയലുകളിൽ എത്തും. പിന്നെയാണ് നടീൽ ഉൽസവം.
Most Read: പ്രിയ വർഗീസിന്റെ റാങ്ക് പട്ടിക മരവിപ്പിച്ച് ഗവർണർ; തിരിച്ചടി