തിരുവനന്തപുരം : സംസ്ഥാനത്ത് മുഖ്യമന്ത്രി പിണറായി വിജയന് കോവിഡ് സ്ഥിരീകരിച്ചു. രോഗലക്ഷണങ്ങൾ ഒന്നും തന്നെ ഇല്ലാതെയാണ് രോഗം സ്ഥിരീകരിച്ചത്. എങ്കിലും ഡോക്ടർമാരുടെ നിർദേശത്തെ തുടർന്ന് അദ്ദേഹത്തെ ഉടൻ തന്നെ കോഴിക്കോട് മെഡിക്കൽ കോളേജിലേക്ക് മാറ്റും.
ഒരു മാസം മുൻപ് മുഖ്യമന്ത്രി കോവിഡ് വാക്സിന്റെ ആദ്യ ഡോസ് സ്വീകരിച്ചിരുന്നു. മുഖ്യമന്ത്രിയുടെ മകൾ വീണക്കും, മരുമകനും നേരത്തെ തന്നെ കോവിഡ് സ്ഥിരീകരിച്ചിരുന്നു. ഇതിനെ തുടർന്ന് പിപിഇ കിറ്റ് ധരിച്ചാണ് മുഖ്യമന്ത്രിയുടെ മകൾ നിയമസഭാ തിരഞ്ഞെടുപ്പിൽ വോട്ട് രേഖപ്പെടുത്താൻ ബൂത്തിലെത്തിയത്.
രോഗം സ്ഥിരീകരിച്ച സാഹചര്യത്തിൽ മുഖ്യമന്ത്രിയുമായി കഴിഞ്ഞ ദിവസങ്ങളിൽ സമ്പർക്കം പുലർത്തിയ ആളുകൾ നിരീക്ഷണത്തിൽ പോകണമെന്നും, പരിശോധന നടത്തണമെന്നും ആരോഗ്യവകുപ്പ് നിർദേശം നൽകി. തിരഞ്ഞെടുപ്പ് അടുത്ത സാഹചര്യത്തിൽ നിരവധി യോഗങ്ങളിൽ ഉൾപ്പടെ മുഖ്യമന്ത്രി പങ്കെടുത്തിരുന്നു.
Read also : തിരഞ്ഞെടുപ്പ് ചട്ടലംഘനം; മുഖ്യമന്ത്രിക്ക് എതിരെ പരാതി നൽകി