വെങ്കട്ട് പ്രഭുവിന്റെ സംവിധാനത്തിൽ ചിമ്പു നായകനായി എത്തിയ ചിത്രം ‘മാനാട്’ ഓടിടിയിലേക്ക്. തിയേറ്റർ റിലീസിന് പിന്നാലെയാണ് ചിത്രം ഓടിടിയിലും എത്തുന്നത്. സോണി ലിവിലൂടെ പ്രദർശനത്തിനെത്തുന്ന ചിത്രത്തിന്റെ റിലീസ് തീയതി പ്രഖ്യാപിച്ചിട്ടില്ല.
ചിമ്പുവിന്റെ 45ആമത്തെ സിനിമയായ ‘മാനാട്’ നവംബർ 25നാണ് പ്രദർശനത്തിന് എത്തിയത്. ചിത്രം മികച്ച പ്രേക്ഷക പ്രതികരണവും നേടിയിരുന്നു.
പൊളിറ്റിക്കൽ ടൈം ലൂപ് ത്രില്ലറായ ചിത്രത്തിന്റെ കഥയെഴുതിയും സംവിധായകൻ വെങ്കട്ട് പ്രഭു തന്നെയാണ്.
വി ഹൗസ് പ്രൊഡക്ഷൻസിന്റെ ബാനറിൽ സുരേഷ് കാമാച്ചി നിർമിച്ച ചിത്രത്തിൽ എസ്ജെ സൂര്യയും പ്രധാന വേഷത്തിലുണ്ട്. കല്യാണി പ്രിയദർശനാണ് നായിക.
യുവൻ ശങ്കർ രാജ ഈണം പകർന്നിരിക്കുന്ന ചിത്രത്തിന്റെ ഛായാഗ്രാഹകൻ റിച്ചർഡ് എം നാഥൻ ആണ്. എസ്എ ചന്ദ്രശേഖർ, കരുണാകരൻ, വൈ ജി മഹേന്ദ്രൻ, വാഗൈ ചന്ദ്രശേഖർ, പ്രേംജി അമരൻ എന്നിവരാണ് ചിത്രത്തിൽ മറ്റ് കഥാപാത്രങ്ങളെ അവതരിപ്പിക്കുന്നത്.
Most Read: ആര്യൻ ഖാന്റെ ജാമ്യ വ്യവസ്ഥയിൽ ഇളവ് നൽകി കോടതി