കൊച്ചി: ഛായാഗ്രാഹകന്‍ പൊന്നാരിമംഗലത്ത് ചെറിയകത്ത് വീട്ടില്‍ ടോണി ലോയ്ഡ് അരൂജ വാഹനാപകടത്തില്‍ മരിച്ചു. 43 വയസായിരുന്നു. ഇന്നലെ രാത്രി 11.30നായിരുന്നു അപകടം. കളമശേരി പോലീസ് സ്‌റ്റേഷനു സമീപം ബൈക്ക് തെന്നി തല ഡിവൈഡറില്‍ ഇടിക്കുകയിരുന്നു. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
നടിയും ആക്റ്റിവിസ്‌റ്റുമായ രഹ്‌ന ഫാത്തിമയുടെ വിവാദ ചിത്രമായ ‘ഏക’യുടെ ഛായാഗ്രാഹകന്‍ ആയിരുന്നു ടോണി. കൂടാതെ നിരവധി സിനിമകളില്‍ അസിസ്‌റ്റന്റ് ക്യാമാറാമാനായും പ്രവര്‍ത്തിച്ചിട്ടുണ്ട്. റിലീസിനൊരുങ്ങുന്ന ‘കാക്ക’ ഉൾപ്പടെ അനേകം ഷോര്‍ട്ട് ഫിലിമുകള്‍ക്കു വേണ്ടിയും പ്രവര്‍ത്തിച്ച അദ്ദേഹം മോഡലിങ് ഫൊട്ടോഗ്രഫിയിലും സജീവമായിരുന്നു. പോസ്‌റ്റ്‌മോര്‍ട്ടത്തിന് ശേഷമായിരിക്കും സംസ്‌കാരമെന്ന് ബന്ധുക്കള്‍ അറിയിച്ചു.
Read Also: പശുക്കളെ കശാപ്പ് ചെയ്‌തെന്ന് ആരോപണം; 8 പേരെ അറസ്‌റ്റ് ചെയ്‌തു
