ഡെറാഡൂൺ: ഉത്തരാഖണ്ഡിലെ ദേവപ്രയാഗിൽ മേഘവിസ്ഫോടനം. ഡെറാഡൂണിൽ നിന്ന് 120 കിലോമീറ്റർ അകലെയായി ഇന്ന് വൈകീട്ടോടെയാണ് അപകടം നടന്നത്. അപകടത്തിൽ റോഡുകൾ ഒലിച്ചുപോയതായും നിരവധി വീടുകളും കെട്ടിടങ്ങളും തകർന്നതായും അധികൃതർ അറിയിച്ചു.
മേഖലയിൽ ജലനിരപ്പ് ഉയരുന്നതിനാൽ പ്രദേശ വാസികൾക്ക് ജാഗ്രതാ നിർദ്ദേശം നൽകി. അപകടത്തിൽ ഇതുവരെ ആളപായം റിപ്പോർട് ചെയ്തിട്ടില്ല. സംസ്ഥാനത്ത് ലോക്ക്ഡൗൺ തുടരുന്നതിനാൽ പൊതുനിരത്തിൽ ആളുകൾ ഇല്ലാതിരുന്നത് വലിയ ദുരന്തം ഒഴിവാക്കാൻ കാരണമായെന്ന് ഡിജിപി അശോക് കുമാർ അറിയിച്ചു. സംസ്ഥാന ദുരന്തനിവാരണ സേനാംഗങ്ങൾ സ്ഥലത്തേക്ക് പുറപ്പെട്ടിട്ടുണ്ടെന്നും അദ്ദേഹം വ്യക്തമാക്കി.
Read also: ‘പ്രധാനമന്ത്രീ, താങ്കൾ സെൻട്രൽ വിസ്തയല്ലാതെ മറ്റൊന്നും കാണുന്നില്ല’; രാഹുൽ ഗാന്ധി