തിരുവനന്തപുരം: യുവാക്കളോട് രക്‌തദാനത്തിന് ആഹ്വാനം ചെയ്‌ത്‌ മുഖ്യമന്ത്രി പിണറായി വിജയന്‍. 18 വയസ് കഴിഞ്ഞവര്‍ കോവിഡ് വാക്‌സിന്‍ സ്വീകരിക്കുന്നതിന് മുന്‍പ് രക്‌തദാനം നടത്താൻ തയാറാകണമെന്ന് മുഖ്യമന്ത്രി പറഞ്ഞു. കൂടുതല്‍ ചെറുപ്പക്കാര്‍ ഉദ്യമം ഏറ്റെടുത്ത് മുന്നോട്ടു വരണമെന്നും മുഖ്യമന്ത്രി കൂട്ടിച്ചേർത്തു. കോവിഡ് വാക്‌സിന്‍ സ്വീകരിച്ച് കഴിഞ്ഞാല്‍ നിശ്‌ചിത ദിവസങ്ങള്‍ക്ക് ശേഷം മാത്രമേ രക്‌തദാനം ചെയ്യാന്‍ പാടുള്ളൂ. ഇതേത്തുടർന്നാണ് വാക്‌സിൻ സ്വീകരിക്കുന്നതിന് മുൻപ് യുവാക്കൾ രക്‌തദാനം ചെയ്യണമെന്ന ആഹ്വാനവുമായി മുഖ്യമന്ത്രി രംഗത്തെത്തിയത്.
Read also: കോവിഡ് വ്യാപനം; മെയ് മാസത്തിലെ പരീക്ഷകൾ മാറ്റിവെച്ചതായി പിഎസ്സി
