ഭോപ്പാൽ: 15 ലക്ഷത്തിൽ കുറഞ്ഞ അഴിമതി പരാതിയുമായി തന്റെ അടുത്തേക്ക് വരേണ്ടെന്ന വിവാദ പ്രസ്താവനയുമായി ബിജെപി എംപി ജനാർദൻ മിശ്ര. ഒരു മാദ്ധ്യമ സെമിനാറിൽ വെച്ചായിരുന്നു എംപിയുടെ പ്രസ്താവന. മധ്യപ്രദേശിൽ നിന്നുള്ള ബിജെപി എംപിയാണ് ജനാർദൻ മിശ്ര.
‘ഗ്രാമത്തലവനെതിരെ ആരെങ്കിലും അഴിമതി പരാതിയുമായി വന്നാൽ ഞാൻ അവരോട് പറയും 15 ലക്ഷത്തിൽ കൂടുതലുള്ള അഴിമതിയാണെങ്കിൽ വന്നാൽ മതിയെന്ന്. 15 ലക്ഷത്തിൽ കുറവുള്ള അഴിമതിക്ക് പരാതിപ്പെടാൻ എന്റെയടുത്ത് വരേണ്ട. ഗ്രാമത്തലവൻമാർക്കെതിരായ പരാതിയുമായാണ് ആളുകൾ കൂടുതലായും വരുന്നത്. അവർ ആദ്യത്തെ ഏഴ് ലക്ഷം തിരഞ്ഞെടുപ്പിൽ മൽസരിക്കാൻ ചിലവിടുന്നു. അടുത്ത ഏഴ് ലക്ഷം അടുത്ത തിരഞ്ഞെടുപ്പിലേക്കും ചെലവിടുന്നു. ഒരു ലക്ഷം വിലക്കയറ്റത്തിന്റെ ഭാഗമായും പോകുന്നു’ -ജനാർദൻ മിശ്ര പറഞ്ഞു.
അഴിമതിയും കൈക്കൂലിയും ന്യായീകരിക്കുന്ന തരത്തിലുള്ള പ്രസ്താവനക്കെതിരെ പ്രതിഷേധം വ്യാപകമാണ്.
Read also: ഡെല്ഹിയില് സമരം നടത്തുന്ന ഡോക്ടര്മാരെ ചര്ച്ചയ്ക്ക് വിളിച്ച് ആരോഗ്യമന്ത്രി