ന്യൂഡെൽഹി : രാജ്യത്ത് വാണിജ്യ ആവശ്യങ്ങൾക്കായി ഉപയോഗിക്കുന്ന പാചകവാതക സിലിണ്ടറിന് വില കുറച്ചു. ഇതോടെ 19 കിലോ തൂക്കമുള്ള ഒരു സിലിണ്ടറിന് 122 രൂപയുടെ കുറവാണ് ഉണ്ടായത്. നിലവിൽ വാണിജ്യ ആവശ്യങ്ങൾക്ക് ഉപയോഗിക്കുന്ന പാചകവാതക സിലിണ്ടറിന് ഡെൽഹിയിൽ വില 1,473 ആയി കുറഞ്ഞു. കൂടാതെ മുംബൈ, കൊൽക്കത്ത, ചെന്നൈ എന്നിവിടങ്ങളിൽ യഥാക്രമം 1422, 1544, 1603 എന്നിങ്ങനെയാണ് വില.
പാചകവാതക സിലിണ്ടറിന് എല്ലാ മാസവും തുടക്കത്തിൽ വില നിശ്‌ചയിക്കാറുണ്ട്. എണ്ണവിതരണ കമ്പനികളാണ് വില നിശ്‌ചയിക്കുന്നത്. എന്നാൽ വാണിജ്യ ആവശ്യങ്ങൾക്ക് ഉപയോഗിക്കുന്ന സിലിണ്ടറിന് മാത്രമാണ് വിലക്കുറവ് ഉണ്ടായത്. ഗാർഹിക ആവശ്യങ്ങൾക്ക് ഉപയോഗിക്കുന്ന പാചകവാതക സിലിണ്ടറിന് വില കുറച്ചിട്ടില്ല.
809 രൂപയാണ് ഗാർഹിക ആവശ്യങ്ങൾക്കായി ഉപയോഗിക്കുന്ന പാചക വാതക സിലിണ്ടറിന്റെ ഡെൽഹിയിലെ വില. കഴിഞ്ഞ ഏപ്രിൽ മാസത്തിൽ വില കുറച്ചതിന് ശേഷം ഗാർഹിക ആവശ്യങ്ങൾക്ക് ഉപയോഗിക്കുന്ന പാചക വാതകത്തിന് പിന്നീട് വിലക്കുറവ് ഉണ്ടായിട്ടില്ല.
Read also : ന്യൂനപക്ഷ സ്‌കോളര്‍ഷിപ്പിലെ ഹൈക്കോടതി വിധി; സര്‍വകക്ഷി യോഗം വിളിച്ച് മുഖ്യമന്ത്രി
