മലപ്പുറം: ഹരിത നേതാക്കൾ നൽകിയ പരാതിയിൽ എംഎസ്എഫ് സംസ്ഥാന പ്രസിഡണ്ട് പികെ നവാസിനെ ചോദ്യം ചെയ്യും. ചെമ്മങ്ങാട് പൊലീസ് സ്റ്റേഷനിൽ ഹാജരാകാനാണ് നിർദ്ദേശം. എംഎസ്എഫ് സംസ്ഥാന പ്രസിഡണ്ട് പികെ നവാസ് ഹരിത നേതാക്കൾക്കെതിരെ ലൈംഗികാധിക്ഷേപം നടത്തിയെന്ന ആരോപണമാണ് വിവാദങ്ങൾക്ക് തിരികൊളുത്തിയത്.
ജൂണ് 22ന് കോഴിക്കോട്ട് എംഎസ്എഫ് സംസ്ഥാന സമിതി യോഗത്തിനിടെ പികെ നവാസും മലപ്പുറം ജില്ലാ ജനറല് സെക്രട്ടറി വി അബ്ദുള് വഹാബും നടത്തിയ ലൈംഗീക അധിക്ഷേപം ചൂണ്ടിക്കാട്ടിയാണ് വനിതാ വിഭാഗമായ ഹരിതയുടെ 10 നേതാക്കള് വനിതാ കമ്മീഷന് പരാതി നല്കിയത്. വനിതാ കമ്മീഷന് നല്കിയ പരാതി പിൻവലിക്കണമെന്ന ലീഗ് നേതൃത്വത്തിന്റെ അന്ത്യശാസനം തള്ളിയതിന് പിന്നാലെ ഹരിത പിരിച്ചുവിട്ടിരുന്നു.
പാര്ട്ടിക്ക് കിട്ടിയ പരാതിയില് തീരുമാനം വരും മുമ്പേ വനിതാ കമ്മീഷന് പരാതി നല്കിയ ഹരിത നേതാക്കളുടെ നടപടി അച്ചടക്ക ലംഘനമെന്നായിരുന്നു പാര്ട്ടി നേതൃത്വത്തിന്റെ പൊതുവികാരം.
Read also: കുഞ്ഞാലിക്കുട്ടിക്ക് എതിരെ നടക്കുന്നത് സിപിഎമ്മിന്റെ ഒറ്റ തിരിഞ്ഞ ആക്രമണം; ചെന്നിത്തല