മലപ്പുറം: ജില്ലയിൽ ടിപിആർ വർധിക്കുന്നതിൽ ആശങ്ക പ്രകടിപ്പിച്ച് ജില്ലാ ആരോഗ്യ വിഭാഗം. 18.71 ശതമാനമായിരുന്നു ജില്ലയിലെ ഇന്നലത്തെ ടെസ്‌റ്റ് പോസിറ്റിവിറ്റി നിരക്ക്. 3,038 പേർക്ക് രോഗം സ്‌ഥിരീകരിക്കുകയും ചെയ്‌തിട്ടുണ്ട്‌. 2,950 പേർ ഇന്നലെ രോഗമുക്‌തി നേടി. അതേസമയം, 17.54 ശതമാനമായിരുന്ന ടിപിആർ നിരക്കാണ് കഴിഞ്ഞ ഒറ്റ ദിവസം കൊണ്ട് 18.71 ശതമാനമായി ഉയർന്നത്.
രോഗം സ്‌ഥിരീകരിച്ചവരിൽ 2,953 പേർക്ക് സമ്പർക്കം വഴിയാണ് രോഗം ബാധിച്ചത്. ആരോഗ്യ മേഖലയിൽ പ്രവർത്തിക്കുന്ന അഞ്ചുപേർ ഇന്നലെ കോവിഡ് പോസിറ്റീവ് ആയവരുടെ പട്ടികയിൽ ഉണ്ട്. രോഗ ഉറവിടം അറിയാത്ത 33 കേസുകളും ഉണ്ട്.
നിലവിൽ ജില്ലയിൽ 31,340 പേർ ചികിൽസയിലും 77,033 പേർ നിരീക്ഷണത്തിലുമുണ്ട്. അതേസമയം, ജില്ലയിൽ ഇതുവരെ 18.8 ലക്ഷം ഡോസ് വാക്‌സിൻ വിതരണം ചെയ്‌തതായി ജില്ലാ ആരോഗ്യ വിഭാഗം അറിയിച്ചു.
Read Also: സംസ്‌ഥാനത്ത് ഇന്ന് സമ്പൂർണ ലോക്ക്ഡൗണില്ല; ആൾക്കൂട്ടം ഒഴിവാക്കാൻ പരിശോധന
