ഗുഡല്ലൂർ: അഫ്‌ഗാൻ സൈനികരുടെ തിരിച്ചുപോക്ക് അനിശ്‌ചിതാവസ്‌ഥയിൽ. നീലഗിരി ജില്ലയിലെ കുന്നൂർ സൈനിക കേന്ദ്രത്തിൽ പരിശീലനത്തിനെത്തിയ സൈനികരാണ് തിരിച്ചുപോക്ക് സംബന്ധിച്ച് പ്രതിസന്ധിയിൽ ആയിരിക്കുന്നത്. മുൻ സർക്കാരിന്റെ കാലത്താണ് ഇവർ നീലഗിരിയിൽ പരിശീലനത്തിനായി എത്തിയത്.
അഫ്‌ഗാനിസ്‌ഥാൻ താലിബാൻ ഭരണം പിടിച്ചെടുത്തതിനെ തുടർന്നാണ് ഇവർ ആശങ്കയിലായത്. അഫ്‌ഗാനിസ്‌ഥാനുമായി നല്ല നയതന്ത്രബന്ധം പുലർത്തിയിരുന്ന സൗഹൃദ രാജ്യമെന്ന നിലയിലാണ് ഇന്ത്യയുടെ പലഭാഗത്തും അഫ്‌ഗാൻ സൈനികർക്ക് പരിശീലനം നൽകിവരുന്നത്.
നിലവിൽ കുന്നൂർ പരിശീലന കേന്ദ്രത്തിലും ഏതാനും അഫ്‌ഗാൻ സൈനികരുണ്ട്. എന്നാൽ, പരിശീലനം കഴിഞ്ഞുള്ള ഇവരുടെ തിരിച്ചുപോക്ക് അനിശ്‌ചിതത്വത്തിലാണ്.
Read Also: ഇടക്കാല ഉത്തരവ് പാലിച്ചില്ല; അതിർത്തിയിൽ മലയാളികളെ വീണ്ടും തടഞ്ഞ് കർണാടക
