പുല്വാമ: ജമ്മു കശ്മീരിലെ പുല്വാമയില് സുരക്ഷാസേനയും ഭീകരരും തമ്മില് നടന്ന ഏറ്റുമുട്ടലില് മൂന്നു ഭീകരരെ വധിച്ചു. പുല്വാമ ജില്ലയിലെ കാക്കാപോറയിലെ ഗാത്ത് മുഹല്ല ഏരിയായിലാണ് ഏറ്റുമുട്ടല് നടന്നത്.
പോലീസ്, സൈന്യം, സിആര്പിഎഫ് വിഭാഗങ്ങള് സംയുക്തമായി നടത്തിയ തിരച്ചിലിനിടെ ഭീകരര് വെടിയുയര്ക്കുകയും പിന്നാലെ സേന തിരിച്ചടിക്കുകയും ആയിരുന്നു.
ഭീകരരെ പിടികൂടുന്നതിനായി ഈ വര്ഷം തുടര്ച്ചയായ പരിശോധനകളാണ് തെക്കന് കശ്മീര് ജില്ലകളായ ഷോപ്പിയാന്, പുല്വാമ എന്നിവിടങ്ങള് കേന്ദ്രീകരിച്ച് സുരക്ഷാസേന നടത്തുന്നത്. ഇതുവരെയായി താഴ്വരയില് നടന്ന 10 ഓപ്പറേഷനുകളില് 20 ഭീകരരെ സേന വധിച്ചിരുന്നു.
അതേസമയം പുൽവാമയിലെ ഏറ്റുമുട്ടലിൽ ഒരു യുവതി ഉള്പ്പടെ രണ്ട് പ്രദേശവാസികള്ക്ക് പരിക്കേറ്റതായും റിപ്പോർട്ടുണ്ട്. ഇശ്റത്ത് ജാന് (25), ഗുലാം നബി ദാര് (42) എന്നിവര്ക്കാണ് പരിക്കേറ്റത്. ഇവരെ ശ്രീനഗറിലെ എസ്എംഎച്ച്എസ് ആശുപത്രിയിൽ പ്രവേശിപ്പിച്ചു.
Read Also: അദാനി കരാർ; പ്രതിപക്ഷത്തിന്റെ ആരോപണം ചീറ്റിപ്പോയെന്ന് മുഖ്യമന്ത്രി