എമീലിയ: യുവതാരങ്ങളുടെ മിന്നും പ്രകടനത്തിൽ കോപ്പ ഇറ്റാലിയ ചാമ്പ്യൻമാരായി യുവന്റസ്. അറ്റ്ലാന്റയെ 2-1ന് കീഴടക്കിയാണ് യുവന്റസിന്റെ വിജയം. യുവതാരങ്ങളായ ഡെജൻ കുളുസ്‌വേസ്‌കിയുടെയും ഫെഡറികോ കിയെസയുടെയും പ്രകടനമാണ് യുവന്റസിന് വിജയത്തിലേക്ക് വഴിയൊരുക്കിയത്.
കളിയുടെ 31ആം മിനിട്ടിൽ യുവന്റസ് ലീഡെടുത്തു. മക്കെന്നിയുടെ പാസ് സ്വീകരിച്ച് കുളുസ്‌വേസ്‌കിയാണ് യുവന്റസിനെ മുന്നിലെത്തിച്ചത്. എന്നാൽ 41ആം മിനിട്ടിൽ റസ്‌ലാൻ മലിനോവ്‌സ്‌കിയുടെ ഗോളിലൂടെ അറ്റ്ലാന്റ യുവന്റസിന് ഒപ്പമെത്തി. രണ്ടാം പകുതിയിൽ ലീഡ് എടുക്കാൻ ഇരു ടീമുകളും ശ്രമിച്ചു. എന്നാൽ 73ആം മിനിട്ടിൽ കിയെസ, യുവന്റസിന്റെ വിജയഗോൾ നേടി. 88ആം മിനിട്ടിൽ അറ്റ്ലാന്റയുടെ റാഫേൽ ടൊലോയ് ചുവപ്പ് കാർഡ് കണ്ട് മടങ്ങിയതോടെ 10 പേരുമായാണ് അറ്റ്ലാന്റ മൽസരം പൂർത്തിയാക്കിയത്.
യുവന്റസിന്റെ 14ആം കോപ്പ ഇറ്റാലിയ കിരീടമാണിത്. ക്രിസ്‌റ്റ്യാനോ റൊണാൾഡോക്ക് ഇറ്റലിയിൽ ലഭിക്കാനുള്ള ഏക കിരീടവും ഇതിലൂടെ യുവന്റസ് സ്വന്തമാക്കി.
Read also: ‘എല്ലാം പൂർണതയോടെ ചെയ്യുന്നയാൾ’; കോട്ടയം നസീര്‍ വരച്ച ‘ഈശോ’യിലെ ചിത്രവുമായി ജയസൂര്യ
