റിയാദ്: സൗദി അറേബ്യയിൽ കോവിഡ് കേസുകൾ വീണ്ടും ഉയരുന്നതായി ആരോഗ്യ മന്ത്രാലയത്തിന്റെ കണക്കുകൾ വ്യക്തമാക്കുന്നു. പ്രതിദിന രോഗികളുടെ എണ്ണം 300 കഴിഞ്ഞു. കഴിഞ്ഞ 24 മണിക്കൂറിനിടയിൽ 339 പേർക്കാണ് രോഗബാധ സ്ഥിരീകരിച്ചത്.
രാജ്യത്താകെ നാല് മരണം റിപ്പോർട് ചെയ്തപ്പോൾ നിലവിലെ രോഗബാധിതരിൽ 112 പേർ രോഗമുക്തി നേടുകയും ചെയ്തു. 24 മണിക്കൂറിനിടെ 15,434 ആർടിപിസിആർ പരിശോധനകൾ നടത്തി.
രാജ്യത്ത് ഇതുവരെ 755,415 പേർക്കാണ് കോവിഡ് സ്ഥിരീകരിച്ചത്. 742,563 പേർ രോഗമുക്തി നേടിയിട്ടുണ്ട്. ആകെ കോവിഡ് മരണസംഖ്യ 9,103 ആണ്.
നിലവിൽ 3,749 പേരാണ് ചികിൽസയിൽ കഴിയുന്നത്. ഇതിൽ 56 പേരുടെ നില ഗുരുതരമാണെന്നാണ് റിപ്പോർട്ടുകൾ. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്.
Most Read: ഇന്ന് പരിശോധിച്ചത് 572 സ്ഥാപനങ്ങള്; 10 കടകള്ക്കെതിരെ നടപടി