അബുദാബി: യുഎഇയിൽ കോവിഡ് ഭീതി ഒഴിയുന്നു. നിലവിൽ കഴിഞ്ഞ കുറച്ചു ദിവസങ്ങളായി രാജ്യത്ത് കോവിഡ് മരണങ്ങൾ റിപ്പോർട് ചെയ്യുന്നില്ല. കൂടാതെ പ്രതിദിനം റിപ്പോർട് ചെയ്യുന്ന കോവിഡ് കേസുകൾ 500ൽ താഴെ മാത്രമാണ്. 447 പേർക്കാണ് കഴിഞ്ഞ 24 മണിക്കൂറിൽ കോവിഡ് സ്ഥിരീകരിച്ചത്. അതേസമയം 1,436 പേർ 24 മണിക്കൂറിനിടെ രോഗമുക്തി നേടുകയും ചെയ്തു.
ഏതാനും ദിവസങ്ങളായി രാജ്യത്ത് കോവിഡ് മരണങ്ങൾ റിപ്പോർട് ചെയ്യാത്ത വലിയ ആശ്വാസമാണ് സൃഷ്ടിക്കുന്നത്. കൂടാതെ രോഗമുക്തരാകുന്ന ആളുകളുടെ എണ്ണം ഉയരുന്നതിനാൽ രാജ്യത്ത് നിലവിൽ കോവിഡ് ബാധിച്ച് ചികിൽസയിൽ കഴിയുന്നവരുടെ എണ്ണം കുറയുകയും ചെയ്തിട്ടുണ്ട്.
39,535 പേരാണ് രാജ്യത്ത് നിലവിൽ കോവിഡ് ബാധയെ തുടർന്ന് ചികിൽസയിൽ കഴിയുന്നത്. കൂടാതെ ആരോഗ്യ പ്രതിരോധ മന്ത്രാലയത്തിന്റെ കണക്കുകൾ പ്രകാരം 8,81,919 ആളുകൾക്ക് രാജ്യത്ത് ഇതുവരെ കോവിഡ് സ്ഥിരീകരിച്ചിട്ടുണ്ട്. ഇവരിൽ 8,40,083 ആളുകൾ ഇതിനോടകം രോഗമുക്തരാകുകയും ചെയ്തു.
Read also: ഒരാഴ്ചക്കിടെ സെലൻസ്കിക്ക് നേരെ മൂന്ന് വധശ്രമങ്ങൾ; രഹസ്യവിവരം