തിരുവനന്തപുരം: സംസ്ഥാനത്ത് കോവിഡ് വ്യാപനം ഗുരുതരമായ സാഹചര്യത്തിൽ രണ്ടാം വർഷ ഹയർ സെക്കൻഡറി പരീക്ഷകളുടെ മൂല്യനിർണയം മാറ്റിവച്ചു. മെയ് 5ന് ആരംഭിക്കാനിരുന്ന മൂല്യനിർണയ ക്യാമ്പുകളാണ് മാറ്റിയത്. തിയറി പരീക്ഷകളുടെ മൂല്യനിർണയമാണ് അഞ്ചാം തീയതി മുതൽ ആരംഭിക്കാൻ ഇരുന്നത്. പുതുക്കിയ തീയതി പിന്നീട് അറിയിക്കും.
കോവിഡ് വ്യാപനം, ഭാഗിക ലോക്ക്ഡൗൺ എന്നീ പ്രതിസന്ധികൾക്ക് ഇടയിലാണ് രണ്ടാം വർഷ ഹയർസെക്കൻഡറി പരീക്ഷകൾ പൂർത്തിയാക്കിയത്. കോവിഡ് പോസിറ്റീവായ വിദ്യാർഥികൾ പിപിഇ കിറ്റ് ധരിച്ചാണ് പരീക്ഷക്കെത്തിയത്. നേരത്തെ പ്ളസ്ടു പ്രായോഗിക പരീക്ഷകളും കോവിഡിനെ തുടർന്ന് മാറ്റിയിരുന്നു.
Read Also: തിരുവനന്തപുരത്ത് വാക്സിൻ വിതരണം താൽക്കാലികമായി നിർത്തിവച്ചു