കൊച്ചി: കോവിഡ് നിയന്ത്രണങ്ങളുടെ പേരില് ജനങ്ങളോട് പോലീസ് അപമര്യാദയായി പെരുമാറരുതെന്ന് ഹൈക്കോടതി. മാസ്ക് ധരിക്കാത്തവര്ക്കെതിരെ നിയമ നടപടി സ്വീകരിക്കാം. എന്നാല് ശാരീരികമായി ഉപദ്രവിക്കാനോ അപമര്യാദയായി പെരുമാറാനോ പാടില്ലെന്ന് ഡിവിഷന് ബെഞ്ച് വ്യക്തമാക്കി.
മാസ്ക് ധരിച്ചില്ലെന്നാരോപിച്ച് എറണാകുളം മുനമ്പം പോലീസ് കസ്റ്റഡിയിലെടുത്ത് പീഡിപ്പിച്ചെന്ന് ചൂണ്ടിക്കാട്ടി കോഴിക്കോട് സ്വദേശിയായ കാര് ഡ്രൈവര് വൈശാഖാണ് കോടതിയെ സമീപിച്ചത്. ഏപ്രില് പതിനാറിന് രണ്ട് പോലീസുകാര് മുനമ്പം സ്റ്റേഷനില് വെച്ച് മര്ദ്ദിച്ചെന്നും ഇവര്ക്കെതിരെ കേസ് എടുക്കണമെന്നും ഹരജിക്കാരന് ആവശ്യപ്പെട്ടു.
സംഭവത്തിന്റെ നിജസ്ഥിതി അന്വേഷിച്ച് ഉടന് റിപ്പോര്ട് നല്കാന് കോടതി ഡിജിപിക്ക് നിര്ദ്ദേശം നല്കി. കോവിഡ് പടര്ന്നുപിടിക്കുന്ന സാഹചര്യത്തില് സംസ്ഥാനത്ത് ലോക്ക്ഡൗണിന് സമാനമായ നിയന്ത്രണങ്ങള് ഏര്പ്പെടുത്തിയിരിക്കുകയാണ്. മെയ് നാല് മുതല് ഒന്പത് വരെയാണ് നിയന്ത്രണങ്ങള്.
Read Also: തൃപ്പൂണിത്തുറ: ബിജെപി വോട്ടുകൾ ലഭിച്ചത് കെ ബാബുവിന് തന്നെ; കെഎസ് രാധാകൃഷ്ണന്