തിരുവനന്തപുരം: ജില്ലകളിലെ കോവിഡ് പ്രതിരോധം സംബന്ധിച്ച പോലീസിന്റെ പ്രവര്ത്തനങ്ങള് ഏകോപിപ്പിക്കുന്നതിന്റെ ഭാഗമായി കോവിഡ് കണ്ട്രോള് സ്പെഷ്യല് ഓഫീസര്മാരായി ഐപിഎസ് ഓഫിസര്മാരെ നിയോഗിച്ചു. ഈ സംവിധാനം തിങ്കളാഴ്ച നിലവില് വരും.
കണ്ണൂര് റേഞ്ച് ഡിഐജി കെ സേതുരാമന് കണ്ണൂര്, കാസര്കോഡ് ജില്ലകളുടെ ചുമതലയാണ് നല്കിയിരിക്കുന്നത്. തിരുവനന്തപുരം റേഞ്ച് ഡിഐജി സഞ്ജയ് കുമാര് ഗുരുദിന് തിരുവനന്തപുരം റൂറല്, കൊല്ലം ജില്ലകളുടെ ചുമതലയാണ് വഹിക്കുക.
ആലപ്പുഴ, എറണാകുളം ജില്ലകളുടെ ചുമതല എറണാകുളം റേഞ്ച് ഡിഐജി നീരജ് കുമാര് ഗുപ്തക്കാണ്. തൃശൂര് റെഞ്ച് ഡിഐജി എ അക്ബറിന് നല്കിയത് തൃശൂര്, പാലക്കാട് ജില്ലകളാണ്. മലപ്പുറത്ത് ഇന്ത്യാ റിസര്വ് ബറ്റാലിയന് കമാൻഡന്റ് വിവേക് കുമാറും, കോഴിക്കോട് റൂറലില് കെഎപി രണ്ടാം ബറ്റാലിയന് കമാൻഡന്റ് ആര് ആനന്ദും പ്രവര്ത്തനങ്ങള് ഏകോപിപ്പിക്കും.
Read Also: ഡിസിസി പുനഃസംഘടനയിൽ അതൃപ്തിയില്ലെന്ന് രമേശ് ചെന്നിത്തല