ചട്ടിപ്പറമ്പ: കോവിഡ് വ്യാപനം തടയുന്നതിനും രോഗികൾക്കും അവരുടെ കുടുംബങ്ങൾക്കും വേണ്ട സഹായങ്ങൾ ലഭ്യമാക്കാനും കോഡൂർ ഗ്രാമപഞ്ചായത്ത് ഓഫീസ് പരിസരത്ത് വാർ റൂം തുറന്നു. 24 മണിക്കൂർ സേവനം ഇവിടെ ലഭിക്കും.
ഡോക്‌ടർ, നഴ്‌സ്, മെഡിക്കൽ വിദ്യാർഥികൾ, സന്നദ്ധപ്രവർത്തകർ, കുടുംബശ്രീ പ്രവർത്തകർ എന്നിവരടങ്ങുന്ന സംഘമാണ് വാർ റൂമിലുണ്ടാവുക. രോഗികൾക്കാവശ്യമെങ്കിൽ ആംബുലൻസ് സേവനവും മരുന്നുകളും ലഭ്യമാകും.
വീട്ടിൽനിന്ന് മാറിനിൽക്കേണ്ട കോവിഡ് രോഗികൾക്കായി കോഡൂരിലെ കുട്ടിശ്ശേരിക്കുളമ്പ് ജിഎംഎൽപി സ്‌കൂളിൽ പ്രാഥമിക ചികിൽസാ കേന്ദ്രവും പ്രവർത്തിച്ചു വരുന്നുണ്ട്. വാർ റൂമിന്റെ സേവനം ഉപയോഗപ്പെടുത്താനായി വിളിക്കാവുന്ന നമ്പർ 8075402434, 8281041434.
Also Read: കോവിഡ്; കേരളത്തിലെ സാഹചര്യം അതീവ ഗുരുതരമെന്ന് കേന്ദ്ര സമിതി
