ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 12,689 കോവിഡ് കേസുകൾ കൂടി പുതുതായി റിപ്പോർട്ട് ചെയ്‌തു. ഇതോടെ ആകെ റിപ്പോർട്ട് ചെയ്‌ത കോവിഡ് കേസുകളുടെ എണ്ണം 1,06,89,527 ആയി.
കഴിഞ്ഞ ദിവസം 9,102 പേർക്കാണ് കോവിഡ് സ്‌ഥിരീകരിച്ചത്‌. 7 മാസത്തിനിടെ രാജ്യത്ത് രേഖപ്പെടുത്തിയ ഏറ്റവും കുറവ് കോവിഡ് നിലക്കായിരുന്നു ഇത്. 13,320 പേർ രോഗമുക്‌തി നേടി. കേന്ദ്ര ആഭ്യന്തര മന്ത്രാലയം പുറത്തുവിട്ട കണക്കുകൾ പ്രകാരം, ആകെ രോഗമുക്‌തി നേടിയവരുടെ എണ്ണം 1,03,59,305 ആയി.
രാജ്യത്തെ ആകെ കോവിഡ് മരണസംഖ്യ 1,53,724 ആയി. 137 പേരാണ് കഴിഞ്ഞ ദിവസം കോവിഡ് ബാധിച്ച് മരിച്ചത്. നിലവിൽ 1,76,498 സജീവ കോവിഡ് കേസുകളാണ് ഇന്ത്യയിലുള്ളത്. അതിനിടെ രാജ്യത്തെ കോവിഡ് രോഗമുക്‌തി നിരക്ക് 95.75ഉം മരണനിരക്ക് 1.45ഉം ആയി.
ഐസിഎംആർ കണക്കുകൾ അനുസരിച്ച് 550426 സാംപിളുകളാണ് കഴിഞ്ഞ ദിവസം പരിശോധനക്ക് അയച്ചത്. ഡിസംബർ 23 വരെ 193613120 സാംപിളുകൾ പരിശോധിച്ചുവെന്നാണ് ഔദ്യോഗിക കണക്കുകൾ സൂചിപ്പിക്കുന്നത്. അതേസമയം, കൊറോണ വാക്‌സിൻ വിതരണം രാജ്യത്ത് പുരോഗമിക്കുകയാണ്. ഇന്ത്യയിൽ ഇതുവരെ 2029480 പേർ വാക്‌സിൻ സ്വീകരിച്ചതായി കേന്ദ്ര ആരോഗ്യമന്ത്രാലയം അറിയിച്ചു.
Read also: ട്രാക്‌ടർ റാലി സംഘർഷം; കൊല്ലപ്പെട്ട കർഷകനെയും പ്രതിചേർത്ത് ഡെൽഹി പോലീസ്
