തിരുവനന്തപുരം: സിപിഎം സംസ്‌ഥാന നേതൃ യോഗങ്ങൾക്ക് ഇന്ന് തുടക്കമാകും. നിയമസഭാ തിരഞ്ഞെടുപ്പ് അവലോകനത്തിന്റെ അന്തിമ റിപ്പോർട്ടിലേക്ക് സിപിഎം കടക്കുകയാണ്. 14 ജില്ലകളുടെയും മണ്ഡലം തിരിച്ചുള്ള റിവ്യൂ പൂർത്തിയായതിന് പിന്നാലെയാണ് സംസ്‌ഥാനതല അവലോകനത്തിലേക്ക് സിപിഎം കടക്കുന്നത്.
ഇന്നും നാളെയും സെക്രട്ടറിയേറ്റ് ചേർന്ന് അന്തിമ റിപ്പോർട്ടിന് രൂപം നൽകും. വെള്ളി, ശനി ദിവസങ്ങളിൽ സംസ്‌ഥാന സമിതി യോഗവും ചേരും. അമ്പലപ്പുഴ മണ്ഡലത്തിലെ തിരഞ്ഞെടുപ്പ് പ്രവർത്തനത്തിൽ ജി സുധാകരനെതിരായ ആക്ഷേപങ്ങളും കുണ്ടറ, അരുവിക്കര മണ്ഡലങ്ങളിൽ ഉയർന്ന പരാതികളും സംസ്‌ഥാന സമിതി ചർച്ചചെയ്യും. വനിതാ കമ്മീഷൻ അധ്യക്ഷ തിര‌ഞ്ഞെടുപ്പിലും സിപിഎം തീരുമാനമെടുക്കും.
Read Also: കെപിസിസി പുനസംഘടന; കെ സുധാകരൻ ഇന്ന് ഡെൽഹിയിലേക്ക്
