ചപ്പാരപ്പടവ്: മഴക്കാല പൂർവ ശുചീകരണത്തിന്റെ ഭാഗമായി നടന്ന ടൗൺ ശുചീകരണത്തിനിടെ മാലിന്യകൂമ്പാരത്തിൽ നിന്ന് നോട്ടുകെട്ട് കണ്ടെത്തി. ഒടുവള്ളിത്തട്ട് ബസ് സ്‌റ്റാൻഡിൽ മാലിന്യം നിറച്ച ചാക്കുകെട്ട് പരിശോധിക്കുന്നതിനിടെയാണ് 390 രൂപ അടങ്ങിയ പൊതികെട്ട് കണ്ടെത്തിയത്. മേൽവിലാസം പരിശോധിച്ച് ഉടമസ്‌ഥനെ കണ്ടെത്താൻ ശ്രമിച്ചെങ്കിലും കഴിഞ്ഞില്ല. തുടർന്ന് പണം വാർഡ് ശുചിത്വ കമ്മിറ്റി ഫണ്ടിലേക്ക് കൈമാറി.
ജനകീയ പങ്കാളത്തിത്തത്തോടെ പടപ്പേങ്ങാട്, ഒടുവള്ളിത്തട്ട് ടൗണുകൾ ശുചീകരിച്ചു. ശുചീകരണ പ്രവർത്തികൾക്ക് പഞ്ചായത്ത് പ്രസിഡണ്ട് സുനിജ ബാലകൃഷ്‌ണൻ, പഞ്ചായത്ത് അംഗങ്ങളായ വിനീത, ഫസീല ഷംസീർ, പഞ്ചായത്ത് സെക്രട്ടറി എവി പ്രകാശൻ, ഹെൽത്ത് ഇൻസ്‌പെക്‌ടർ രഞ്‌ജിത്ത് കുമാർ, മഹേഷ് എന്നിവർ നേതൃത്വം നൽകി.
Read also: റെയിൽവേ സ്‌റ്റേഷനിൽ നിന്നും കഞ്ചാവുമായി 2 പേർ അറസ്‌റ്റിൽ
