അബുദാബി : യുഎഇയില്‍ പ്രതിദിന കോവിഡ് കേസുകള്‍ ഉയര്‍ന്നു തന്നെ തുടരുന്നു. കഴിഞ്ഞ 24 മണിക്കൂറില്‍ രാജ്യത്ത് കോവിഡ് രോഗബാധ ഉണ്ടായത് 2,876 ആളുകള്‍ക്കാണ്. കഴിഞ്ഞ ദിവസം മാത്രം രാജ്യത്ത് നടത്തിയ 1,71,951 കോവിഡ് പരിശോധനകളില്‍ നിന്നാണ് ഇത്രയും പേര്‍ കോവിഡ് ബാധിതരായത്. ഇതോടെ രാജ്യത്തെ നിലവിലെ കോവിഡ് ബാധിതരുടെ എണ്ണം 2,30,578 ആയി ഉയര്‍ന്നിട്ടുണ്ട്.
കഴിഞ്ഞ ദിവസം മാത്രം രാജ്യത്ത് കോവിഡ് ബാധിച്ച് മരിച്ചത് 6 പേരാണ്. ഇതോടെ രാജ്യത്തിതുവരെ കോവിഡ് ബാധിച്ചു മരിച്ച ആകെ ആളുകള്‍ 708 ആയും ഉയര്‍ന്നു. ഇതിനൊപ്പം തന്നെ രാജ്യത്തിന്റെ വിവിധ ഭാഗങ്ങളില്‍ ചികിൽസയില്‍ കഴിഞ്ഞിരുന്ന 2,454 ആളുകള്‍ കഴിഞ്ഞ ദിവസം രോഗമുക്‌തരായി. ഇതോടെ രാജ്യത്തെ ആകെ കോവിഡ് ബാധിതരില്‍ 2,06,114 ആളുകള്‍ ഇതുവരെ രോഗമുക്‌തരായിട്ടുണ്ട്. നിലവില്‍ രാജ്യത്തിന്റെ വിവിധ ഭാഗങ്ങളിലായി ചികിൽസയില്‍ കഴിയുന്നവരുടെ എണ്ണം 23,756 ആയതായി ആരോഗ്യമന്ത്രാലയം വ്യക്‌തമാക്കി.
കോവിഡ് ബാധിതരാകുന്ന ആളുകളുടെ എണ്ണം രാജ്യത്ത് കൂടുത സാഹചര്യത്തില്‍ തന്നെ രാജ്യത്ത് കോവിഡ് വാക്‌സിനേഷനും പുരോഗമിക്കുകയാണ്. രാജ്യത്തിതുവരെ 10 ലക്ഷത്തിലധികം ആളുകള്‍ക്ക് കോവിഡ് വാക്‌സിന്‍ നല്‍കിയതായി ആരോഗ്യ പ്രതിരോധ മന്ത്രാലയം വ്യക്‌തമാക്കിയിട്ടുണ്ട്.
Read also : വിദ്യാര്‍ഥികള്‍ക്കായി ദിവസേന 2 ജിബി സൗജന്യ ഡാറ്റാ നല്‍കും; തമിഴ്നാട് മുഖ്യമന്ത്രി
