തിരുവനന്തപുരം: നിയമസഭാ തിരഞ്ഞെടുപ്പിൽ യുഡിഎഫിനെ പിന്തുണക്കാൻ ദളിത് ആദിവാസി സംയുക്‌ത സമിതി തീരുമാനം. സമിതിയുടെ തീരുമാനത്തിന് യുഡിഎഫ് നന്ദി അറിയിച്ചു. ദളിത് ആദിവാസി സംയുക്‌ത സമിതി ജനറൽ കൺവീനർ ഡോ. വിവി അഭിലാഷിന് അയച്ച കത്തിലാണ് യുഡിഎഫ് കൺവീനർ എംഎം ഹസൻ നന്ദി അറിയിച്ചത്.
ദളിത് ആദിവാസി സംയുക്‌ത സമിതിയുടെ പിന്തുണയും സഹകരണവും നിയമസഭാ തിരഞ്ഞെടുപ്പിൽ പ്രയോജനപ്പെടുത്തണം. യുഡിഎഫിന്റെ തിരഞ്ഞെടുപ്പ് പ്രചാരണ പ്രവർത്തനങ്ങളിൽ സംഘടനയുടെ പ്രതിനിധികളെ ഉൾപ്പെടുത്തണമെന്ന് യുഡിഎഫ് ജില്ലാ കമ്മിറ്റികൾക്ക് നിർദേശം നൽകിയതായുംഎംഎം ഹസൻ അറിയിച്ചു.
Read also: കണ്ണൂരിൽ 50കാരനെ വെടിവെച്ച് കൊലപ്പെടുത്തി; അയൽവാസിയായ പ്രതിക്കായി തിരച്ചിൽ
