മുംബൈ: അധോലോക നായകന് ദാവൂദ് ഇബ്രാഹിമിന്റെ കൂട്ടാളിയും ഗുണ്ടാത്തലവന് കരിംലാലയുടെ ബന്ധുവുമായ ചിങ്കു പഠാന് എന്ന പര്വേസ് ഖാന്(40) ലഹരിമരുന്നു കേസില് അറസ്റ്റില്. മഹാരാഷ്ട്ര തീവ്രവാദ വിരുദ്ധ സ്ക്വാഡാണ് ഇയാളെ പിടികൂടിയത്. ഘന്സോളിയിലെ വസതിയില് നിന്നായിരുന്നു അറസ്റ്റ്.
ലഹരിമരുന്നു കേസില് കഴിഞ്ഞ വര്ഷം ഒക്ടോബറില് പിടിയിലായ സൊഹൈല് സയ്യദ്(34), സിഷാന്(32) എന്നിവരില് നിന്നും ലഭിച്ച വിവരങ്ങളില് നിന്നാണ് തീവ്രവാദ വിരുദ്ധ സ്ക്വാഡിന് പഠാന്റെ പങ്കിനെക്കുറിച്ചു സൂചന ലഭിച്ചത്.
മാത്രവുമല്ല ദക്ഷിണ മുംബൈയിലെ ഡോംഗ്രിയിലും പരിസരങ്ങളിലും നാര്കോട്ടിക്സ് കണ്ട്രോള് ബ്യൂറോ ഉദ്യോഗസ്ഥര് നടത്തിയ റെയ്ഡില് രണ്ടു കോടി രൂപയുടെ കണക്കില്പ്പെടാത്ത കറന്സി കണ്ടെത്തിയിരുന്നു. കൂടാതെ കോടിക്കണക്കിനു രൂപയുടെ ലഹരിമരുന്നും കൈത്തോക്കുകളും പരിശോധനയില് പോലീസിന് ലഭിച്ചിരുന്നു.
Read Also: കൊച്ചിയിലെ സമാന്തര ടെലിഫോൺ എക്സ്ചേഞ്ച്; രണ്ടുപേർ പിടിയിൽ