മാന്നാർ: ഇരമത്തൂരിൽ ബധിരയും മൂകയും ആയ സ്‌ത്രീയെ പീഡിപ്പിച്ച യുവാവ് അറസ്‌റ്റിൽ. സ്‌ത്രീ ഒറ്റക്ക് താമസിക്കുന്ന വീട്ടിൽ അതിക്രമിച്ച് കയറിയാണ് ഇയാൾ പീഡനത്തിന് ഇരയാക്കിയത്. സംഭവത്തിൽ തൃപ്പെരുംതുറ ഇരമത്തൂര്‍ ഷീന മന്‍സിലില്‍ കുഞ്ഞുമോന്‍ മകന്‍ നിഷാദിനെയാണ് (33) പോലീസ് അറസ്‌റ്റ് ചെയ്‌തത്‌.
ബുധനാഴ്‌ച രാത്രി 12 മണിയോടെ ആയിരുന്നു സംഭവം. കെട്ടിടം പണിക്കാരനായ നിഷാദ് രാത്രി സ്‌ത്രീയുടെ വീട്ടിലെത്തുകയും പുറകു വശത്തെ വാതില്‍ കമ്പിപ്പാര ഉപയോഗിച്ച് തകർത്ത് അകത്ത് കയറി പീഡിപ്പിക്കുകയും ആയിരുന്നു.
വീട്ടിലെ ബഹളം കേട്ട് നാട്ടുകാര്‍ ഓടിക്കൂടി പ്രതിയെ പിടികൂടാന്‍ ശ്രമിച്ചെങ്കിലും നാട്ടുകാരെ ഭീഷണിപ്പെടുത്തി നിഷാദ് രക്ഷപെട്ടു. തുടർന്ന് നാട്ടുകാർ മാന്നാർ പോലീസിൽ വിവരമറിയിച്ചു. പിന്നീട് നടത്തിയ അന്വേഷണത്തിലാണ് നിഷാദിനെ പിടികൂടിയത്.
Also Read: അംബാനിയുടെ വീടിന് മുന്നിലെ സ്‌ഫോടകവസ്‌തു ശേഖരം; കാറിന്റെ ഉടമ മരിച്ച നിലയിൽ
