കോഴിക്കോട്: പീഡനക്കേസില് അറസ്റ്റിലായ പ്രതി ജയിലില് ജീവനൊടുക്കി. കുറ്റിയില്താഴം കരിമ്പയില് ഹൗസില് ബീരാന് കോയ(59) ആണ് ജയിലില് തൂങ്ങിമരിച്ചത്. ബുധനാഴ്ച പുലര്ച്ചെയോടെ കോഴിക്കോട് സബ് ജയിലില് വെച്ചായിരുന്നു സംഭവം.
സഹതടവുകാരെല്ലാം ഉറങ്ങിയ സമയത്ത് തോര്ത്ത് ഉപയോഗിച്ച് സെല്ലിന്റെ ജനലിലെ കമ്പിയില് തൂങ്ങുകയായിരുന്നു എന്നാണ് ജയില് അധികൃതര് നല്കുന്ന വിശദീകരണം. അസ്വാഭാവിക മരണത്തിന് കസബ പോലീസ് കേസെടുത്തിട്ടുണ്ട്. സംഭവത്തില് ജയില് വകുപ്പും അന്വേഷണം നടത്തും.
പീഡനക്കേസില് പന്തീരാങ്കാവ് പോലീസ് ഞായറാഴ്ചയാണ് ഇയാളെ പിടികൂടിയത്. ബീരാന് കോയയുടെ മൃതദേഹം ജയിലില്നിന്ന് കോഴിക്കോട് മെഡിക്കല് കോളേജ് ആശുപത്രി മോര്ച്ചറിയിലേക്ക് മാറ്റിയതായി അധികൃതര് അറിയിച്ചു.
Malabar News: ബദിയടുക്കയില് ഒന്നര വയസുകാരന്റെ മരണം കൊലപാതകം; അമ്മ അറസ്റ്റില്