ന്യൂഡെൽഹി: പ്രതിദിന കോവിഡ് ബാധിതരുടെ എണ്ണം വർധിക്കുന്ന സാഹചര്യത്തിൽ സ്‌കൂളുകൾക്ക് മാർഗനിർദ്ദേശം നൽകി ഡെൽഹി. സ്‌കൂളുകളിൽ കോവിഡ് മാനദണ്ഡങ്ങൾ കർശനമായി പാലിക്കണമെന്നും, കോവിഡ് കേസുകൾ റിപ്പോർട്ട് ചെയ്‌താൽ ഉടൻ അറിയിക്കണമെന്ന് വിദ്യാഭ്യാസ ഡയറക്‌ടറേറ്റ് പുറത്തിറക്കിയ ഉത്തരവിൽ വ്യക്‌തമാക്കുന്നുണ്ട്.
രോഗബാധ ഉണ്ടാകാതിരിക്കാൻ സ്‌കൂളുകളിൽ അധ്യാപകരും, വിദ്യാർഥികളും നിബന്ധമായും മാസ്‌ക് ധരിക്കണമെന്നും, കോവിഡ് പ്രോട്ടോക്കോളുകൾ കർശനമായി പാലിക്കണമെന്നും മാർഗനിർദ്ദേശത്തിൽ വ്യക്‌തമാക്കി. കൂടാതെ കോവിഡ് റിപ്പോർട് ചെയ്‌താൽ ഉടൻ തന്നെ സ്‌കൂളുകൾ പൂർണമായോ ഭാഗികമായോ അടയ്‌ക്കണമെന്നും ഉത്തരവിൽ കൂട്ടിച്ചേർത്തിട്ടുണ്ട്.
ഒരിടവേളയ്‌ക്ക്‌ ശേഷം ഡെൽഹിയിൽ വീണ്ടും പ്രതിദിനം കോവിഡ് ബാധിതരാകുന്ന ആളുകളുടെ എണ്ണത്തിൽ വർധന ഉണ്ടാകുന്നുണ്ട്. കഴിഞ്ഞ ദിവസം 299 കോവിഡ് കേസുകളാണ് ഡെൽഹിയിൽ റിപ്പോർട് ചെയ്‌തത്‌.
Read also: ജമ്മു കശ്‌മീരിൽ സൈനികരുടെ വാഹനം അപകടത്തിൽപെട്ടു; രണ്ടുമരണം
