പാലക്കാട്: കൊറോണ വൈറസിന്റെ ഡെൽറ്റ പ്ളസ് വകഭേദത്തെ നിയന്ത്രിക്കുന്നതിന്റെ ഭാഗമായി കണ്ണാടി ഗ്രാമപഞ്ചായത്ത് നാളെ മുതൽ അടച്ചിടും. 7 ദിവസത്തേക്കാണ് നിയന്ത്രണം ഏർപ്പെടുത്തിയിരിക്കുന്നത്.
അവശ്യ സർവീസുകൾക്ക് ഉൾപ്പടെ നിയന്ത്രണം ഏർപ്പെടുത്തിയിട്ടുണ്ട്. കടകൾ ഉച്ചവരെ പ്രവർത്തിക്കാനാണ് അനുമതി. ഹോട്ടലുകൾ രാവിലെ 7.30 മുതൽ വൈകീട്ട് 7.30 വരെ തുറക്കും. പാഴ്സൽ സർവീസ് മാത്രമേ ഹോട്ടലുകളിൽ അനുവദിക്കൂ. നിയന്ത്രണങ്ങൾ കർശനമായി പാലിക്കുന്നുണ്ടെന്ന് ഉറപ്പ് വരുത്താൻ പോലീസിനും സെക്ടറൽ മജിസ്ട്രേറ്റിനും ജില്ലാ കളക്ടർ നിർദ്ദേശം നൽകിയിട്ടുണ്ട്.
പാലക്കാട് ജില്ലയിലെ പറളി, പിരായിരി പഞ്ചായത്തുകളിൽ നേരത്തെ ഡെൽറ്റ പ്ളസ് വകഭേദം കണ്ടെത്തിയിരുന്നു. ഇതിന്റെ ഉറവിടം കണ്ണാടി സ്വദേശിയിൽ നിന്നാണെന്ന് സ്ഥിരീകരിച്ചതോടെയാണ് പഞ്ചായത്ത് അടച്ചിടാൻ ജില്ലാ ഭരണകൂടം തീരുമാനിച്ചത്.
Read also: വിവാഹ വാഗ്ദാനം നൽകി പീഡനം; പൂജാരി അറസ്റ്റിൽ