കോട്ടയം: ദളിത് യുവതിയെ വിവാഹ വാഗ്ദാനം നൽകി പീഡിപ്പിച്ച കേസിൽ പ്രതിയായ പൂജാരി കീഴടങ്ങി. എരുമേലി സ്വദേശി വിനുവാണ് പോലീസിൽ കീഴടങ്ങിയത്. ഇയാളുടെ അറസ്റ്റ് രേഖപ്പെടുത്തി. 21കാരിയായ പെൺകുട്ടിയെ വിവാഹ വാഗ്ദാനം നൽകി കഴിഞ്ഞ മൂന്ന് വർഷത്തോളമായി ഇയാൾ പീഡിപ്പിച്ചുവെന്നാണ് കേസ്. ക്ഷേത്രത്തിനോട് ചേർന്ന ശാന്തി മഠത്തിൽ വച്ചായിരുന്നു പീഡനം.
വിവാഹത്തിന് തയ്യാറാകാതെ വന്നതോടെ പെൺകുട്ടി ഇയാൾക്കെതിരെ പോലീസിൽ പരാതി നൽകിയിരുന്നു. പിന്നീട് വിവാഹം കഴിക്കാമെന്ന് സമ്മതിച്ചതു പ്രകാരം ഇരുകൂട്ടരും രജിസ്റ്റർ ഓഫീസിൽ എത്തിയെങ്കിലും ഓഫീസ് സമയം കഴിഞ്ഞതിന്റെ പേരിൽ അടുത്ത ദിവസത്തേക്ക് മാറ്റിവെക്കുകയായിരുന്നു. പിന്നീട് ഇയാൾ വീണ്ടും വാക്കുമാറ്റിയതോടെയാണ് പെൺകുട്ടി പോലീസിനെ സമീപിച്ചത്.
Read also: വിജിതയുടെ മരണം; വനിതാ കമ്മീഷൻ സ്വമേധയാ കേസെടുത്തു