മുംബൈ: ഉദ്ധവ് താക്കറെയുടെ നേതൃത്വത്തിലുള്ള സർക്കാർ സ്വയം താഴെ വീഴുമെന്ന് മുൻ മുഖ്യമന്ത്രിയും ബിജെപി നേതാവുമായ ദേവേന്ദ്ര ഫഡ്നാവിസ്. ബിജെപി അധികാരത്തിന് വേണ്ടി ഒന്നും ചെയ്യുന്നില്ലെന്നും എന്നാൽ സർക്കാർ സ്വയം നിലംപതിച്ചാൽ ബദൽ സംവിധാനം ഉണ്ടാക്കുമെന്നും ഫഡ്നാവിസ് പറഞ്ഞു. ബിഹാർ തിരഞ്ഞെടുപ്പ് ഫലം മഹാരാഷ്ട്രയിലും സ്വാധീനം ചെലുത്തിയെന്ന് അദ്ദേഹം പറഞ്ഞു.
‘മഹാരാഷ്ട്രയിലെ സാഹചര്യങ്ങളെക്കുറിച്ച് ഉൽക്കണ്ഠയില്ല, കാരണം ഇവിടുത്തെ സർക്കാർ ഒരു ദിവസം സ്വയം തകരും’- ഫഡ്നാവിസ് പറഞ്ഞു. ഇത്തരം സർക്കാരുകൾക്ക് അധികകാലം തുടരാനാകില്ലെന്നും അദ്ദേഹം പറഞ്ഞു. സർക്കാർ തകരുന്ന ദിവസം ഒരു ബദൽ സർക്കാരിനെ തങ്ങൾ അവതരിപ്പിക്കും. എന്നാൽ ഇപ്പോൾ ഇത് ഞങ്ങളുടെ മുൻഗണനയിൽ ഇല്ലെന്നും അദ്ദേഹം കൂട്ടിച്ചേർത്തു.
സംസ്ഥാനത്ത് കർഷകർ വളരെയേറെ ബുദ്ധിമുട്ടുന്നു, എന്നാൽ സർക്കാർ അവർക്ക് ഒന്നും നൽകുന്നില്ല. ബിജെപി കർഷകർക്ക് ഒപ്പമാണെന്നും അദ്ദേഹം പറഞ്ഞു.
Also Read: കോടതി ഇടപെടല്; തമിഴ്നാട്ടിൽ സ്കൂളുകള് തുറക്കാനുള്ള തീരുമാനം പിന്വലിച്ചു