തിരുവനന്തപുരം: പൊതുവിദ്യാഭ്യാസ സ്ഥാപനങ്ങളില് ഓണ്ലൈന് ക്ളാസ് തുടങ്ങുന്നതിന് മുന്പ് എല്ലാ വിദ്യാര്ഥികള്ക്കും ഡിജിറ്റല് പഠനോപകരണങ്ങള് എത്തിക്കുമെന്ന് വ്യക്തമാക്കി വിദ്യാഭ്യാസ മന്ത്രി വി ശിവന് കുട്ടി.
ഒരാഴ്ചക്കുള്ളില് പഠനോപകരണങ്ങള് ഇല്ലാത്ത കുട്ടികളുടെ അന്തിമ കണക്ക് തയ്യാറാക്കുമെന്ന് പറഞ്ഞ അദ്ദേഹം ഇതിനായി എല്ലാ ജില്ലകള്ക്കും നിര്ദ്ദേശം നല്കിയെന്നും അറിയിച്ചു. ഇതില് പെടാത്ത കുട്ടികളുണ്ടെങ്കില് അധ്യാപകരുടെയും പ്രദേശിക സംഘടനകളുടെയും സഹായത്തോടെ കണ്ടെത്തും.
അതേസമയം ആദ്യ ഘട്ടത്തില് പട്ടിക വര്ഗ ഊരുകളിലെ വിദ്യാര്ഥികള്ക്കാണ് പരിഗണന നല്കുകയെന്നും ആദിവാസി മേഖലകളില് അടക്കം ഇന്റര്നെറ്റ് സൗകര്യം ഉറപ്പാക്കുമെന്നും മന്ത്രി വ്യക്തമാക്കി. കൂടാതെ തീരദേശ മേഖലയിലെ വിദ്യാര്ഥികളുടെ പ്രശ്നങ്ങള് പരിഹരിക്കാന് അടിയന്തര നടപടി സ്വീകരിക്കുമെന്നും വിദ്യാഭ്യാസ മന്ത്രി വി ശിവന്കുട്ടി പറഞ്ഞു.
Most Read: കോവിഡ്; കുട്ടികളുള്ള വീടുകളില് പുസ്തകം എത്തിച്ച് നല്കുന്നത് പ്രധാനമെന്ന് മുഖ്യമന്ത്രി