പാലക്കാട്: പട്ടാമ്പിയില് കോവിഡ് നിയന്ത്രണങ്ങള് ലംഘിച്ച് ഡിജെ പാര്ട്ടി. ഗവ. സംസ്കൃത കോളേജിലാണ് ഡിജെ പാര്ട്ടി നടത്തിയത്. ഓഡിറ്റോറിയത്തിലെ പരിപാടിയിൽ 500ലേറെ വിദ്യാർഥികള് പങ്കെടുത്തിരുന്നു. അവസാന വര്ഷ വിദ്യാർഥികളുടെ നേതൃത്വത്തിലാണ് ഡിജെ പാര്ട്ടി നടന്നത്. അധ്യാപകരുടെ അറിവോടെയാണ് പരിപാടി നടന്നത്. എന്നാല് ദൃശ്യങ്ങള് പ്രചരിച്ചതോടെ അധ്യാപകര് തന്നെ ഇടപെട്ട് പരിപാടി നിര്ത്തിവെപ്പിച്ചു.
കോവിഡ് നിയന്ത്രണങ്ങള് ലംഘിച്ചിട്ടില്ലെന്നും നൂറ് പേര്ക്കുള്ള അനുമതി മാത്രമാണ് നല്കിയതെന്നും പ്രിന്സിപ്പല് സുനില് ജോണ് പ്രതികരിച്ചു. പരിപാടികളില് 50ല് അധികം ആളുകള് പങ്കെടുക്കരുതെന്ന ആരോഗ്യവകുപ്പിന്റെ കർശന നിര്ദ്ദേശം നിലനില്ക്കെയാണ് ഡിജെ പരിപാടി സംഘടിപ്പിച്ചത്. സംഭവത്തില് പ്രിന്സിപ്പല്, അധ്യാപകര്, വിദ്യാർഥികള് എന്നിവര്ക്കെതിരെ പട്ടാമ്പി പോലീസ് കേസ് എടുത്തിട്ടുണ്ട്.
Read Also: ഗുരുവായൂരിൽ നാളെ മുതൽ നിയന്ത്രണം; ദർശനം 3,000 പേർക്ക് മാത്രം