തിരുവനന്തപുരം: സംസ്ഥാനത്ത് കോവിഡ് ബാധിച്ച് ചികിത്സയിലായിരുന്ന ഡോക്ടര് മരിച്ചു. തിരുവനന്തപുരം അട്ടക്കുളങ്ങര കെബി.എം ക്ലിനിക്ക് എന്ന സ്വകാര്യ സ്ഥാപനം നടത്തിയിരുന്ന ഡോ.എം എസ് ആബ്ദീനാണ് (73) മരിച്ചത്. സംസ്ഥാനത്ത് ഇതാദ്യമായിട്ടാണ് കോവിഡ് ബാധിച്ച് ഒരു ഡോക്ടറുടെ ജീവന് നഷ്ടപ്പെടുന്നത്.
ശനിയാഴ്ച വരെ അദ്ദേഹം രോഗികളെ ശുശ്രൂഷിച്ചിരുന്നു. കഴിഞ്ഞ തിങ്കളാഴ്ച മുതല് കോവിഡ് ബാധിച്ച് ചികിത്സയിലായിരുന്നു. വെന്റിലേറ്ററിന്റെ സഹായത്തോടെയാണ് ജീവന് നിലനിര്ത്തിയിരുന്നത്. ഇന്ന് രാവിലെയാണ് അദ്ദേഹം മരിച്ചത്.