തിരുവനന്തപുരം: ശമ്പളപരിഷ്കരണത്തിലെ അപകത പരിഹരിക്കണമെന്ന് ആവശ്യപ്പെട്ട് സമരം ശക്തമാക്കാൻ സർക്കാർ ഡോക്ടർമാർ. നാളെ രോഗീപരിചരണത്തെ ബാധിക്കാത്ത നിസഹകരണ പ്രതിഷേധത്തിന് തുടക്കമാകും. ഇതിന് പുറമേ കൂടുതൽ സമരങ്ങൾ സംഘടിപ്പിക്കാനും കെജിഎംഒഎ തീരുമാനിച്ചു.
ഈ മാസം 15 മുതൽ വിഐപി ഡ്യൂട്ടികളും തദ്ദേശവകുപ്പിന്റേത് ഉൾപ്പടെയുള്ള അവലോകന യോഗങ്ങളും ബഹിഷ്കരിക്കും. നവംബർ 16ന് കൂട്ട അവധിയെടുത്ത് പ്രതിഷേധിക്കും. കൂടാതെ, നവംബർ ഒന്നിന് സെക്രട്ടറിയേറ്റിന് മുന്നിൽ റിലേ നിൽപ് സമരം തുടങ്ങാനും കെജിഎംഒഎ തീരുമാനിച്ചു. നാളെ മുതൽ ടെലിമെഡിസിൻ സേവനങ്ങളും ഓൺലൈൻ മീറ്റിങ്ങുകളും ബഹിഷ്കരിച്ചാണ് നിസഹകരണ സമരം.
Also Read: ജനങ്ങളോടുള്ള പെരുമാറ്റത്തിൽ ജാഗ്രത പുലർത്തണം; പോലീസിന് മുഖ്യമന്ത്രിയുടെ കർശന നിർദ്ദേശം