കൊച്ചി: ഡോളര്‍ കടത്ത് കേസില്‍ യുഎഇ കോണ്‍സുലേറ്റിലെ നയതന്ത്ര പ്രതിനിധികളുടെ മൊഴി എടുക്കും. വിദേശകാര്യ മന്ത്രാലയത്തിന്റെ സഹായത്തോടെയാണ് കസ്‌റ്റംസ് നയതന്ത്ര പ്രതിനിധികളുടെ മൊഴിയെടുക്കുക. കോണ്‍സുലേറ്റിന്റെ മുന്‍ ഗണ്‍മാന്‍ ജയഘോഷില്‍ നിന്ന് കോണ്‍സുല്‍ ജനറലുമായി അടുത്ത ബന്ധം സൂക്ഷിക്കുന്നവരുടെ വിവരം കസ്‌റ്റംസ് ശേഖരിച്ചു.
കഴിഞ്ഞ ദിവസമാണ് യുഎഇ കോണ്‍സുലേറ്റിലെ മുന്‍ ഗണ്‍മാന്‍ ജയഘോഷ്, കോണ്‍സുലേറ്റിലെ ഡ്രൈവര്‍ സിദ്ദീഖ് എന്നിവരെ കസ്‌റ്റംസ് ചോദ്യം ചെയ്‌തത്. തദ്ദേശീയ ജീവനക്കാരെയും യൂണിടാക് എംഡി സന്തോഷ് ഈപ്പനെയും വൈകാതെ ചോദ്യം ചെയ്യും. അതേസമയം മജിസ്‌ട്രേറ്റിന് മുന്നിൽ സ്വമേധയാ കുറ്റം സമ്മതിച്ച സ്വപ്‌നയും സരിത്തും മാപ്പുസാക്ഷികൾ ആയേക്കുമെന്നാണ് റിപ്പോർട്ടുകൾ.
Read also: ഡോളർ കടത്തിന് പിന്നിലെ ‘വമ്പൻ സ്രാവുകൾ’ ഉടൻ വലയിലാകും; സ്വപ്‌നയും സരിത്തും മാപ്പുസാക്ഷികൾ ആയേക്കും
