തിരുവനന്തപുരം: സംസ്‌ഥാനത്ത് വെള്ളിയാഴ്‌ച മുതൽ കുടിവെള്ള നിരക്കിലും വർധന. അടിസ്‌ഥാന നിരക്കിൽ 5 ശതമാനത്തിന്റെ വർധനയാണ് ഉണ്ടാകുക. ഗാർഹിക, ഗാർഹികേതര, വ്യാവസായിക കണക്ഷനുകളിലെ എല്ലാ സ്ളാബുകളിലും അഞ്ച് ശതമാനമാണ് ജല അതോറിറ്റി നിരക്ക് വർധിപ്പിക്കുന്നത്. വില വർധന ഉണ്ടാകുന്നതോടെ ഗാർഹിക ഉപഭോക്‌താവിന് 1000 ലിറ്റർ ജലത്തിന് 4 രൂപ 20 പൈസയെന്നുള്ളത് 4 രൂപ 41 പൈസയായി ഉയരും.
ഇന്ധനം, പാചക വാതകം എന്നിവയുടെ വില വർധനയ്‌ക്കൊപ്പമാണ് ഇപ്പോൾ കുടിവെള്ളത്തിനും വില വർധിക്കുന്നത്. 5000 ലിറ്റർ വരെ വെള്ളത്തിന് മിനിമം നിരക്ക് 22.05 രൂപയായി ഉയരും. നിലവിൽ ഇത് 21 രൂപയാണ്. അതേസമയം പ്രതിമാസം 15,000 ലിറ്റർ വരെ ഉപയോഗിക്കുന്ന ബിപിഎൽ കുടുംബങ്ങൾക്കുള്ള സൗജന്യം തുടരുകയും ചെയ്യും.
ഗാർഹികേതര ഉപഭോക്‌താക്കൾക്ക് ആയിരം ലിറ്ററിന് 15 രൂപ 75 പൈസയായിരുന്നത് 16 രൂപ 54 രൂപയായി വർധിക്കും. വ്യാവസായിക കണക്ഷനുകൾക്ക് ആയിരം ലിറ്ററിന് 44.10 രൂപയാണ് പുതിയ നിരക്ക്.
Read also: ഹരിദാസൻ വധക്കേസ്; ആറ് പ്രതികളുടെ ജാമ്യ ഹരജി കോടതി തള്ളി
